अब ब्याङगलोरमा पनि नेपाली चलचित्र

काठमाडौं । भारतको शहर ब्याङगलोरमा पनि नेपाली फिल्मको प्रदर्शन हुने भएको छ । बाङ्गलोरमा हुन लागेको नेपाली फिल्म फेस्टिभल मा नेपाली चलचित्रहरु प्रदर्शन गरिनेछ । यो फेस्टिभल नेपाली चलचित्र क्षेत्रमा फिल्मलाई केही रुपमा राहत दिदै आईरहेको संस्था हाइलाईट्स नेपालको स्वामित्वमा फ्रेबरी १२ मा हुन गईरहेको छ ।

एक दिन मात्र हुन गईरहेको फेस्टिभल विहान १० बजे देखि साझ ७ बजेसम्म संञ्चालन हुनेछ । फिल्म फेस्टिभलमा प्रचण्ड मान श्रेष्ठको निर्देशन लब शाशा प्रदर्शन हुनेछ । फिल्ममा कर्मा, केकी र अशिफ शाहको अभिनय रहेको छ ।

यस्तै लभ शाशासँगै क्रिटिक्स वीक्स २०१५ को भेन्स ईन्टरनेशनल फिल्म फेस्टिभलमा बेस्ट फिल्म एर्वाड पाएको मिन बहादुर भाम निर्देशित फिल्म कालो पोथि र नव निर्देशक प्रदिप भट्राईको निर्देशन रहेको सफल चलचित्र जात्रा पनि प्रदर्शन हुनेछ । जात्रामा रबिन्द्र सिंह बाँनिया, वर्षा रावत, विपीन कार्की र रविन्द्र झा लगायतको अभिनय रहेको छ । फेस्टिभल आचार्य कलेज हिसारागट्टा भन्ने ठाउँमा हुन गइरहेको छ ।
फेस्टिभललाई खनाल फुड्स, नेपाली चुलो र नेपाली मः मः ले प्रयोजन गर्नेछन् । फेस्टिभलमा यी इन्सपोन्सरहरुको स्टलहरुमा नेपाली खानेकुरा र खाद्यान्नको पनि विक्री वितरण र प्रदर्शन रहनेछ । फेस्टिभलमा न्युनतम प्रवेश शुल्क लगाइएको छ । जसबाट संकलन भएकोे सम्पुर्ण रकम इस्टुडेन्ट वेलफेर ट्रस्टमा जानेछ ।

बाङ्गलोर सहरको वरपरको नेपाली लगायत सिक्किम, दार्जिलिङ, आसाम, मनिपुर, मिजोराम लगायत भुटानमा बस्ने नेपालीहरुलाई समेत फिल्म फेस्टिभलमा उपस्थीति गराउने आयोजकको लक्ष्य रहेको छ ।
फेस्टिभलमा प्रदर्शन हुने चलचित्रहरु र समय तालिका
लब शाशा स् समय विहान १० बजे
जात्रा स् दिउँसो १२ः३० बजे
कालो पोथि स् बेलुका ४ बजे