निखिलको पिँजडा ब्याक अगेन फ्लोरमा जादै

फिल्मी फण्डा संवाददाता
काठमाडौं । निखील उप्रेती रजतपटमा डेब्बु गरेको चलचित्र पिँजडाको सिक्वेल पिँजडा अगेन निर्माण हुने भएको छ । राजधानीमा आईतवार एक कार्यक्रमको आयोजना गर्दै चलचित्र निर्माणको वारेमा जानकारी दिईएको हो ।

चलचित्र पिँजडा निर्माण हुनुअघि निखील उप्रेती बलिउडमा केही कलाकारहरुको डुब्लिकेट गर्ने काम गर्ने गथ्र्यो । नेपाली चलचित्र क्षेत्रमा पवन मैनालीले उनलाई पिँजडामा डेब्बु गराएका थिए ।

त्यसपछि निखीलले एक पछि अर्को चलचित्र व्यवसायिक रुपमा दिदै गए । पहिलो पटक नेपाली चलचित्रमा एक्शनको राम्रो फ्लेवर पस्तुत गर्ने नायकको रुपमा पनि निखीललाई चिनीन्छ ।

यहिँ चलचित्रको सिक्केल पिँजडा ब्याक अगेन सोमवार बाट फ्लोरमा जान लागेको हो । पिँजडा ब्याक अगेन पिजडाँको सिक्वेल भने हैन । पिँजडा नामलाई मात्रै क्याच गरी पिँजडा ब्याक अगेन निर्माण गर्न लागिएको फिल्मलाई निर्देशन गर्न लागेका द्धुन्द निर्देशक समेत रहेका हिमाल केसीले जानकारी गराए ।

चलचित्रमा निखीलको अलवा सुस्मिता केसी, रुद्रबाट डेब्बु गरेकी नव नायिका सारा लगायतको मूख्य भुमिका रहनेछ । चलचित्रमा बालकलाकारकोरुपमा कुसाग्र भट्टराई पनि रहेका छन् । चलचित्रका निर्माता भने रोहित पुरी, गोविन्द गैरे, चन्द्र अधिकारी र सुसान्त श्रेष्ठ रहेका छन् ।

मौनता श्रेष्ठको कथा रहेको चलचित्रमा महेश खड्का, वसन्त सापकोटा, अर्जुन पोखरेल र राजन शिवाकोटीको संगीत रहनेछ । चलचित्रलाई आउँदो दशैमा प्रदर्शन गर्ने लक्ष्य राखिएको छ ।