मिल्यो दुई वितरक बीचको विवाद

काठमाडौं । गोविन्द शाहीले वितरण गर्न लागेको लप्पन छप्पन सहितका फिल्महरु वितरण गर्न नदिने नेपाल चलचित्र संघको निर्णय सच्चयाईएको छ । अब भने गोविन्द शाहीले वितरण गर्न लागेको सबै चलचित्रहरु हलमा लाग्नेछन् । केहि हप्ता पहिले फिल्म वितरक गोविन्द शाहीले अर्का वितरक गोपालकाजी कायस्थमाती हातपात गरेको भन्दै कायस्थले प्रहरी र चलचित्र संघमा निवेदन दिएपछि सुरु भएको विवाद अन्तत सहमतीमा मिलेको छ । वितरक गोविन्दा शाहीले चलचित्र संघको कार्यालयमा आएर अर्का वितरक गोपाल काजी कायस्थसँग माफि मागेपछि सहमति भएको हो । गोपाल काजी कायस्थले माफि सबै भन्दा ठूलो भएको र चलचित्र संघ सानो क्षेत्र भएकोले सबै मिलेर जानुपर्ने भन्दै आफुले माफि दिएको दावी गरेका छन् ।

यो विषयमा चलचित्र संघले मागेको स्पस्टिकरण पत्रमा वितरक शाहीले भोलीका दिनमा यो प्रकारको गल्ती नदोहो¥याउने, कसैलाई नधम्क्याउने र घटना दोहोरिएको खण्डका संघले गर्ने जुनसुकै कारबाही खेप्न तयार हुनेसम्मको स्पस्टिकरण दिएपछि अन्तत विवाद मिलेको हो । संघले एक विज्ञप्टी जारी गर्दै उक्त विवाद मिलेको र गोविन्दको सबै फिल्म लगाउन संघका पदाधिकारीहरुलाई पत्राचार गरेको विज्ञप्तीमा उल्लेख छ ।

पहिले भएको विवाद यस्तो थियो ।