एमालेको मेचि–महाकाली अभियानमा भाँजो हालिए त्यसको दृढतापूर्वक प्रतिवाद गर्छौं : ओली

काठमाडौं । प्रमुख प्रतिपक्षी दल नेकपा एमालेका अध्यक्ष केपी शर्मा ओलीले आफ्नो पार्टीको मेचि–महाकाली अभियान राष्ट्रिय एकताको लागि भएकोले यो कसैका बिरुद्ध नहुने बताएका छन्।

उनले भने, ‘यसले एमालेबिरुद्ध छरिएको भ्रम पनि चिर्नेछ ।’ पूर्वप्रधानमन्त्री समेत रहेका ओलीले अभियान कसैको बिरोध र भण्डाफोरको लागि नभएकाले अवरोध नगर्न अन्य पार्टीका नेता कार्यकर्तालाई आग्रह गरे।

उनले अघि थपे,‘यसमा अवरोध तथा भाँजो हालिए एमालेले त्यसको दृढतापूर्वक प्रतिवाद गर्छ।’ मेची–महाकाली अभियानको लागि एमालेले नेता कृष्णगोपाल श्रेष्ठको संयोजकत्वमा १३ सदस्यीय परिचालन समिति गठन गरेको छ । अभियान झापाबाट २१ गते सुरु भइ चैत ४ गते कञ्चनपुरमा पुगेर सकिनेछ ।