क्लाइमेक्स सुटिङको लागि ‘प्रेमगीत २’ युनिट व्यायाममा
काठमाडौं । चलचित्र ‘प्रेमगीत २’को क्लाइमेक्स छायांकन गर्नको लागि व्यायाम कार्यशाला शुरु गरेको गरेको छ । दशरथ रंगशालाको कभर्ड हलमा बुधबारदेखि व्यायाम कार्यशाला सुरु भएको हो । दुई महिना सम्महुने कार्यशालामा मुख्यकलाकारले मुयाथाई भनिने थाइल्यान्डको किकबक्सिङ कला सिक्नेछन् ।
कार्यशालामा अभिनेता प्रदीप खड्का र सन्तोष सेन सहभागि छन् । द्धन्द्ध निर्देशक अष्ट महर्जनले प्रशिक्षण थालेका छन् । झन्डै महिना लामो थाइल्यान्ड र म्यानमार छायांकनपछि ‘प्रेमगीत २’ यतिबेला उत्कर्ष दृश्य छायांकनलाई स्वदेश फिरेको छ । ‘केही साता आधारभूत कला सिकाउनुपर्ने भएकाले कार्यशाला लम्बिएको हो’ द्धन्द्ध निर्देशक महर्जनले भने । ‘नेपाली फिल्ममा नयाँ टाइपको मार्सल आर्ट्स समावेश गर्न मुयाथाई रोजेका हौं ।’ थाइल्यान्डको मार्सल आर्ट्स मुया थाईमा कुहिनो र घुँडाको प्रयोग बढी हुन्छ ।
कथाले बैंकक मागेपनि छायांकन भने राष्ट्रिय खेलकुद परिषदमै अन्डरग्राउन्ड सेट लगाएर गरिने भएको छ । ‘अन्तराष्ट्रिय फिल्ममा देखाइनेजस्तो जालीभित्र लडिने बेटिङ फाइट समावेश गर्छौं । यो कठिन पनि छ’ महर्जनले भने ।
यसमा तपाइँको प्रतिक्रिया दिनुहोस