मिससँग कम्मर मर्काए हमालले
सयौं शुभचिन्तक राजेश दाई हाई हाई भन्दै

गोरखा । गोरखा जिल्लाको श्रीनाथकोटमा रहेको जनकल्याण माध्यमिक विद्यालयको नव निर्मित भवन उद्घाटन भएको छ । भूकम्पले उक्त विद्यायको सबै भवन ध्वस्त भएपछि घाँसी नेपालको सहयोगमा विद्यालयको लागि नयाँ भवन निर्माण गरिएको थियो । उक्त भवनलाई महानायक राजेश हमालले उद्घाटन गरेका हुन् ।

गोरखा जिल्लाका प्रमूख जिल्ला अधिकारी समेत उपस्थित भएको कार्यक्रम औपचारीक पछि अनौपचारिक साँस्कृतिक कार्यक्रममा परिणत भएको थियो । राजेश दाईले जब हातमा माईक मात्र के लिएका थिए, दर्शकहरुबाट ताली बर्सिए । सानो र पातलो गाउँमा भएको कार्यक्रममा सयौं दर्शकहरु जम्मा भएका थिए । स्थानीयका अनुसार राजेश दाई आउने खबर ढिला मात्र थाहा पाएपनि पाँच गाउँदेखीका मान्छेहरु हमाल हेर्न आईपुगेका थिए ।

यति मात्र नभएर जब राजेश दाई उद्घाटन गरिएको विद्यालयको एक शिक्षीकासँग नाचेका थिए तब दर्शकहरुकाट सिटी र ताली निरन्तर बजीरहे । हमालले कार्यक्रममा निकै रमाईलो भएको र आफुले सबैभन्दा बढी पहिलो पटक नाचेको समेत बताए । विद्यालयको मिससँग लगातार बिस मिनेट भन्दा बढी उनले नृत्य गरेका थिए । पछि उनले आफ्नै चलचित्रका पुराना संवादहरु सुनाउँदा दर्शकहरु स्टेजमै घेरिएका थिए । उनीहरुले निरन्तर राजेश दाई हाई हाई भनी रहे । कार्यक्रममा दर्शकहरुले हमाललाई कहिले राजु, कहिले शंकर त कहिले अर्जुन भनेर लगातार बोलाईरहेका थिए ।

एक बर्ष अघि महानायक राजेश हमालले नै शिलान्यास गरेको उक्त विद्यालयलाई शुक्रवार महानायक हमालले नै उद्घाटन गरेको हो । घाँसी नेपालको अभियन्ता समेत रहेका हमालले उद्घाटनसँगै विद्यालयको सबै साँचो विद्यालय परिवारलाई हस्तान्तरण गरेको हो । पाँच कोठे भुकम्प प्रतिरोधात्मक भवन पाएपछि स्थानीय, विद्यार्थीहरु र विद्यालय परिवार खुशि भएका थिए ।

भिडियो