प्रदर्शनको सन्ध्यामा लप्पन छप्पनको अर्कोे गीत

चलचित्र लप्पन छप्पनले प्रदर्शनको पूर्व सन्ध्यामा अर्को गीत सार्वजानिक गरेको छ । सविन राईको स्वर रहेको ‘रन अन गन’ बोलको गीत सार्वजानिक गरिएको हो । गीतमा सविन राईलाई रक स्टारको रुपमा प्रस्तुत गरिएको छ । दिपक आरजेको संगीत रहेको उक्त गीतको बिचमा चलचित्रको ट्रेलरलाई पनि समावेश गरिएको छ ।

उक्त गीत चलचित्र भित्र रहने या प्रमोशनको लागि रहने त्यो फिल्म हेरेपछि नै थाहा हुनेछ । मुकुन्द भट्ट निर्देशित फिल्ममा दयाहाङ राई, सौगात मल्ल, अर्पण थापा, बर्षा शोवाकोटी लगायत लिड अभिनयमा छन् । फिल्म यहि चैत्र ११ मा रिलिज हुँदैछ ।