यो बर्ष नम्रताको फिल्म भएन, अब पर्व जेठ १२ मा आउने
यो बर्ष नम्रता श्रेष्ठ अभिनित कुनै पनि चलचित्र प्रदर्शन नहुने भएको छ । हुनत नम्रताले अभिनय गरेको प्रदर्शन हुन बाँकी पर्व बाहेक अरु चलचित्र पनि छैन । पछिल्लो समय चुजी चएकी नम्रताले खासै अरु चलचित्र गर्न कानी रहेकी छैन । यस कारण पनि उनी अभिनीत चलचित्र प्रदर्शनमा कमी आएको हो ।
टीभी फिल्मी र सुवास इन्टरटेन्मेन्टले मिलेर बनाएको चलचित्र पर्व चैत्र २५ गतेबाट रिलिज हुने बताइएको थियो । तर, अब यो चलचित्र तोकिएको मितिमा प्रदर्शनमा नआउने भएको छ । निर्माणपक्षले दिएको जानकारी अनुसार अब ‘पर्व’ आउँदो बर्षको जेठ १२ गतेबाट नेपालभर रिलिज हुने भएको छ ।
‘काले दाई काले दाई’ बोलको गीतले युटुबमा ५० लाख भन्दा बढी दर्शकको साथ पाइसकेको छ । दिनेश राउतले निर्देशन गरेको यो चलचित्रको ‘काले दाई काले दाई’ बोलको गीतमा चलचित्रकी मुख्य नायिका माला लिम्बु र निर्देशक निश्चल बस्नेतले नृत्य गरेका छन् । सुवास गिरी र निकिता पौडेलले यो चलचित्रको निर्माण गरेका हुन् ।
निर्देशक दिनेश राउतले चलचित्रको प्रदर्शन मिति पछाडि सार्नुको कारणबारे भने–‘दर्शकहरुले ‘काले दाई काले दाई’ बोलको गीत मन पराइदिनु भएकोमा हामी अत्यन्त खुशी छौ । यसैले, दर्शकलाई चाडो भन्दा चाडो चलचित्र देखाउने हाम्रो चाहना थियो । चलचित्रमा नम्रता श्रेष्ठ, कोशिश क्षेत्री, माला लिम्बु, जेविका कार्की लगायतका कलाकारको मुख्य भूमिका छ । एउटा पर्वमा घटेको घटना र त्यसपछि एक पात्रमा उत्पन्न हुने उत्तेजनात्मक भावको कथालाई यो चलचित्रमा प्रस्तुत गरिएको छ ।
यसमा तपाइँको प्रतिक्रिया दिनुहोस