दिपेन्द्रको निर्देशनमा खगेन्द्र हिडेँर अमेरिका जाँदै
दिपेन्द्र के खनालले अर्को चलचित्र निर्देशन गर्ने भएका छन् । उक्त चलचित्रमा सुरज सिने आर्टस्को प्रस्तुती रहन र लगानी सर्मिला पाण्डेको रहनेछ । लगानीमा निर्देशक खनालले पनि सहकार्य गरेका छन् । हिंडेर अमेरिका जाने नेपालीको बाध्यत्मक परिस्थितिलाई मुख्य कथा बनाइएको फिल्मको लगानी मात्रै ५ करोड अनुमान गरिएको छ ।
हिडेँर अमेरिका पुग्ने अभिनेतामा खगेन्द्र लामिछाने फाईनल गरेका छन् । पशुपति प्रसाद र धनपती पश्चात निर्देशक दिपेन्द्र के.खनाल र अभिनेता खगेन्द्र लामिछानेले तेश्रो नयाँ फिल्ममा सहकार्य गरेका छन् । नाम तय हुंन बाँकी फिल्ममा खगेन्द्र मुख्य पात्रका रुपमा आवद्ध भएका हुन् ।
‘अमेरिकासम्म हिंडेर पुग्ने तीन पात्रको भोगाइ र सपनालाई फिल्ममा देखाइनेछ’ फिल्म बारे निर्देशक खनालले भने, ‘समाजलाई सन्देश दिने र देश तथा विदेशमा देखाउन मिल्ने फिल्म बनाउँने छौं ।’ यता अभिनेता खगेन्द्र लामिछानेले अमेरिका हिंडेर जाँनेको दुःख पत्र पत्रिकामा पढेका र देखेको बताउँदै फिल्मको लागि मिहेनत गर्ने बताए ।
निर्मात्री सर्मिला पाण्डेले ‘लभ लभ लभ’ लाई सहयोग गर्ने सबैलाई धन्यवाद दिदैं नयाँ फिल्म राम्रो बनाउने विश्वास व्यक्त गरिन् । मंसिर महिनाबाट छायाँकन सुरु हुने फिल्मलाई नेपाल सहित भारत, थाइल्यान्ड, मेक्सिको, ब्राजिल र अमेरिका गरी एक दर्जन देशमा फिल्म खिचिने निर्देशक खनालले जानकारी दिए ।
यसमा तपाइँको प्रतिक्रिया दिनुहोस