आयो प्रेम गीत २ को एक्शन हाबी ट्रेलर (भिडियो)

यस वर्षको बहु प्रतिक्षित चलचित्र हो प्रेम गीत २ । प्रमे गीत हिट भइसकेपछि यसको सिक्वेल को रुपमा निर्माण भएको प्रेम गीत २ नेपाली दर्शकहरुका लागि प्रतिक्षित हुन स्वभाविक नै हो । त्यहि फिल्म ’प्रेमगीत २’ को ट्रेलर सार्वजनिक भएको छ । सोमवार राजधानीमा एक कार्यक्रमको आयोजना गरी फिल्मको ट्रेलर सार्वजनिक गरिएको हो । ट्रेलरले फिल्मका नायक प्रदीप खड्का (प्रेम) र अश्लेषा ठकुरी (गीत) बीचको प्रेमकथा बोलेको छ । प्रमेमा आउो उत्तार चदाव र प्रमेको लागी गरेको संघर्ष फिल्ममा देखाईएको छ ।

आशुसेन फिल्मको ब्यानरमा निर्माण भएको चलचित्रलाई राम शरण पाठकले निर्देशन गरेका हुन् । फिल्ममा प्रदीप र अश्लेषाका अलावा कैलाश कटुवाल, कविता रेग्मी, शिशिर भण्डारी, कुमार कार्की, श्रद्धा प्रसाई लगायतका कलाकारहरुको मुख्य भूमिका रहेको छ । फिल्ममा रेनेशा वान्तवा राईको कोरियोग्राफी, अष्ट महर्जनको द्धन्द्ध, कल्याण सिंह, एलिस कार्की र रोहित जोन क्षेत्रीको संगीत छ । प्रेम गीतमा गीतको लागि आत्महत्या गर्न प्रयास गरेको प्रेमले आफ्नो विगत सबै बिर्सीएर पुन नयाँ गीतसँग माया गरेको ट्रेलरबाट बुझ्न सकिन्छ । फिल्मको कथा निर्देशक पाठक आफैले लेखेका हुन् । यो फिल्म साउन १३ गतेबाट अल नेपाल प्रदर्शनमा आउँदैछ ।