Exclusive : युट्युबमा रिलीज नहुने भयो धनपति
फिल्म लिएर निर्देशक निर्माता अमेरिकातिर (भिडियो)

फिल्म फण्डा । चलचित्र धनपति अब युट्युबमा रिलीज नहुने भएको छ । चलचित्रको व्यापारलाई मध्य नजर गरी चलचित्रका निर्माण टिमले धनपति युट्युबमा रिलीज नगर्ने निर्णय गरेको निर्माण स्रोतले बताईएको छ । विगतमा चलचित्रहरु हलमा प्रदर्शन भएको एक दुई बर्षमा युट्युबमा प्रदर्शन गर्ने गरिन्थ्यो तर टुकि आर्ट र दिपेन्द्र के प्रोडक्शनले निर्माण गरेको चलचित्र धनपति युट्यबमा प्रदर्शन नगरिने भएको हो । जस कारण सबै दर्शकले धनपति हलमै हेर्नुपर्ने बाध्यता आईपरेको छ ।

यस्तै चलचित्र धनपतिका टिम अमेरिका प्रस्थान गरेका छन् । अमेरिकामा विशेष शोको लागि धनपतिका टिम अमेरिका प्रस्थान गरेको हो । चलचित्रको प्रदर्शन मिती नजिकिदै गर्दा विभिन्न देशहरुबाट चलचित्रको माग भएपछि प्रदर्शन शो निक्र्यौल गर्न र अमेरिकामा विशेष शो गर्न धनपतिका निर्देशक दिपेन्द्र के खनाल र निर्माता खगेन्द्र लामिछाने लगायत अमेरिका प्रस्थान गरेका हुन् ।चलचित्र पशुपति प्रसाद पछि यो टिमले धनपति निर्माण गरेका हुन् ।

पशुपति प्रसाद जस्तै यो चलचित्र पनि मौलिक र वर्तमान अवस्थालाई मध्य नजर गरेर निर्माण गरेको निर्देशक दिपेन्द्र के खनाल बताउँछन् । यस्तै निर्माता तथा कलाकार खगेन्द्रले आफुलाई यस अघि पशुपति प्रसाद भनेर चिने दर्शकहरुले अब छिटै धनपचि भनेर चिनिने दावी गरे । चलचित्रमा खगेन्द्र लामिछाने, सुरक्षा पन्त, हरिहर शर्मा लगायतको मूखय अभिनय रहेको छ ।