चाम्सको फिल्ममा आउँदै सुन्दरी शिल्पा, अन्य कलाकारको खोजी

फिल्मी फण्डा । निर्देशक मिलन चाम्सले अर्को चलचित्र लिलिबिली निर्माण गर्ने भएका छन् । जसको लागि उनले सुन्दरी नायिका शिल्पा मास्केलाई ल्याएकी छिन् । शिल्पाले यस अघि हलिउड चलचित्र डक्टर स्ट्रेन्जमा खेलिसकेकी छिन् । यी सुन्दरी नायिकालाई चाम्सले आफ्नो फिल्ममा मूख्य पात्रको रुपमा चयन गरेका हुन् ।

फिल्ममा एक नायक र एक नायिकाको मुख्य भूमिका रहनेछ । जसको खोजी कार्य भैरहेको निर्माता तथा निर्देशक चाम्सले बताए । हामी एक नायक र नायिकाको खोजीमा छौं, ईच्छुकले हामीसँग सम्पर्क गर्न सक्नुहुनेछ । चाम्स इन्टरटेनमेन्ट, गोविन्द शाहीको काफिया फिल्मस र हालै कारखाना निर्माण गरेका सुदीप खड्काको टाइम्स इन्टरटेनमेन्टसँग मिलेर लिलिबिली निर्माण हुन लागिएको हो । फिल्मको सम्पूर्ण छायाँकन लण्डन र स्कटल्याण्डमा हुनेछ । चाम्स अहिले पोखरामा बोबीको छायाँकनमा व्यस्त छन् ।