गीतको यादमा दुखी प्रेम

फिल्मी फण्डा । यस वर्षको प्रतिक्षित फिल्म ‘प्रेमगीत २’ को स्याड भर्सन रिलिज भएको छ । ’नत हाँस्न नै’ बोलको गीतमा एलिश कार्कीको संगीत, मनिषा खड्काको शब्द र सागर संसार राईको स्वर समाबेश छ । गीतमा नायक प्रदीप खड्कालाई नायिका अश्लेषा ठकुरीको यादमा दुखी देख्न सकिन्छ ।
रामशरण पाठक निर्देशित फिल्म आशुसेन फिल्मसको ब्यानरमा निर्माण गरिएको हो । ‘प्रेमगीत २’ मा प्रदीप र अश्लेषाका अलावा कैलाश कटुवाल, कविता रेग्मी, शिशिर भण्डारी, कुमार कार्की, श्रद्धा प्रसाई लगायतका कलाकारहरुको मुख्य भूमिका छ । साउन १३ गते रिलिज हुन लागेको यो फिल्ममा रेनेशा वान्तवा राईको कोरियोग्राफी, अष्ट महर्जनको द्धन्द्ध, कल्याण सिंह, एलिस कार्की र रोहित जोन क्षेत्रीको संगीत छ ।