६ महिनामा निर्माता संघ
उपलब्धी शुन्य, बक्स अफिस नारामै सिमित

फिल्मी फण्डा । चलचित्र निर्माता संघको कार्य समितिले आफ्नो ६ महिने कार्यपत्र प्रस्तुत गरेको छ । उद्योग बाणिज्य महासंघको नयाँ कार्य समितिलाई गरेको सम्मान कार्यक्रममा निर्माता संघले कार्यपत्र प्रस्तुत गरेको हो । कार्यपत्रका विभिन्न गतिविधीहरु देखाईए पनि बक्स अफिस लागु गर्न नसकेको प्रस्तुत गरेको छैन । संघले बक्स अफिसलाई नाराकै रुपमा सिमित राखेको छ ।नेपाली फिल्मको सेन्सर सजिलो बनाउने, नेपाली फिल्मको समस्याहरु र त्यसका समाधानको बारेमा राष्ट्रपति समक्ष जानकारी, फिल्मको सेयर बाँडफाँड, बजेट सम्बन्धी राय सुझाव, विदेशमा नेपाली फिल्मको नियमित प्रदर्शन र महोत्सव तथा नेपाली फिल्म क्षेत्रलाई उद्योगको रुपमा स्थापित गराउने जस्ता पक्षमा निर्माता संघले आवाज उठाएको अध्यक्ष अधिकारीले कार्यपत्र प्रस्तुत गर्दै जानकारी दिए । संघले आवाज उठाएको बताएपनि स्पष्ट रुपमा देखिने गरि के निर्णय ग¥यो भने उपलब्धी देखिएन । उपलब्धी मुलक कार्य भने शुन्य रह्यो ।

यता महासचिव रोज राणाले फुटेको नयाँ निर्माता संघले कानुनी झमेला दिंदा निर्माता संघलाई काम गर्न समस्या आइ परेको बताए । अब कानुनी रुपमा पनि हाम्रो जित भएको छ । अब हामी काम गर्छौ, महासचिव राणाले बताए । महासंघ अध्यक्ष राणाले नेपाली फिल्मलाई गर्नु पर्ने सहयोग महासंघले गर्ने धारणा राखिन् । चलचित्र निर्माता संघले उद्योग वाणिज्य महासंघको नव निर्वाचित कार्य समितिलाई सम्मान गरेको छ । आकाश अधिकारी नेतृत्वको निर्माता संघको कार्य समितिले भवानी राणा नेतृत्वको उद्योग वाणिज्य महासंघलाई बुधबार वाणिज्य महासंघकै कार्यक्रमहल टेकुमा सम्मान गरेको हो । निर्माता संघका अध्यक्ष अधिकारी उद्योग वाणिज्य संघका निर्वाचित सदस्य समेत हुन् ।