द्धैभाषामा दि कर्मा घोषणा

फिल्मी फण्डा । थिम पोस्टर सार्वजनिक गर्दै द्धैभाषी फिल्म ’दि कर्मा’ घोषणा गरिएको छ । तराई भेगमा पर्ने नेपाल र भारतको सीमाना आसपासमा हुने घटनामा आधारित रहि बन्न लागेको यो फिल्मलाई विश्वदिप घिमिरेले निर्देशन गर्नेछन् । नेपाल भारत सीमा क्षेत्रका नेपालीहरुको सत्य घटनामा आधारित रहेको यो फिल्मले बदलाको कथा प्रस्तुत गर्नेछ । मानिसले आफ्नो समयमा गर्ने कामको प्रतिफल जनाउने यो फिल्ममा मुम्बईका कलाकार दिपक आनन्दको प्रमूख अभिनय रहनेछ । बलीउड तथा दक्षीण भारतिय फिल्ममा सक्रिय रुपमा काम गरिरहेका दिपकले लभ सब प्यार व्यार, अञ्जान, ह्यांग टिल डेथ लगायतका टलीउड फिल्मतथा मराठी फिल्म र विज्ञापनहरुमा अभिनय गरेका छन् । यो फिल्ममा दिपक भारतबाट नेपाल आई सीमा क्षेत्रमा बसोबास गरिरहेका युवकको भूमिकामा रहनेछन् ।

भाद्र महिनाभित्र मुहर्त गरिने यो फिल्ममा अर्का कलाकार करण आहुजाको पनि महत्वपूर्भ भूमिका रहनेछ । भारतको दिल्लीका बासिन्दा करण फिल्मको दोश्रो प्रमूख कलाकारको रुपमा रहनेछन् । करण भारतका सफल मोडल हुन् । उनले टलीउड फिल्ममा पनि काम गरिरहेका छन् । फिल्ममा नेपाली कलाकार क्षितिजा शाक्यको पनि अभिनय रहनेछ भने नायिकाको भने छनौट भईसकेको छैन । जय मिडिया म्यानेजमेन्ट प्रोडक्शनको ब्यानरमा बन्ने एक्शनप्रधान फिल्म दि कर्माको छायांकन नेपालको तराई क्षेत्र र भारतको सिक्कीममा हुनेछ । २०७४ भित्रै रिलीज लक्ष्य राखिएको यो फिल्म कार्तिक तेश्रो हप्ताबाट छायांकनमा जानेछ । जय राज रोएको कथामा रहेको यस फिल्मलाई रामेश्वर कार्कीले छायांकन गर्नेछन् । जय राज रोए र निशा खतिवडा निर्माता रहेको यो फिल्म द्धैभाषा अर्थात नेपाली र हिन्दी भाषामा बन्नेछ । भारतमा पनि फिल्मको प्रदर्शनी गरिने निर्माता रोएले बताए ।