सत्यराज अब हिरो साढे सातमा, प्रदर्शन भने साढे आठमा(भिडियो)

फिल्मी फण्डा । गायक तथा संगीतकार सत्यराज आचार्य अब फिल्मको पर्दामा देखिने भएको छ । फिल्म साढे सातमा उनी नायकको रुपमा देखिने भएको हो । फिल्म साढे सातको विहीवार ट्रेलर सार्वजनिक गरिएको छ । राजधानीमा एक कार्यक्रम बिच चलचित्रको ट्रेलर सार्वजनिक गरिएको हो ।

साम्तेन भुटियाको निर्देशन रहेको ‘साढे सात’को ट्रेलरमा गायक सत्यराज आचार्य र मेनुका प्रधानको केमेष्ट्रि देखाइएको छ । चलचित्रमा गायक आचार्य पत्रकारको भुमिकामा देखा परेका छन् । ट्रेलरमा नाकाबन्दीको समयमा देखिएको देशको अवस्थालाई चित्रण गरिएको छ । फिल्म साढे सात प्रदर्शन भने साढे आठमा हुने भएको छ अर्थात मंसिरको १५ गते प्रदर्शन हुनेछ । आफ्नो अनुभवको साथै नाकाबन्दीको समयमा नेपालीहरुले भोगेको कथाको साथै पत्रकारले देखेको, भोगेको समाजलाई चलचित्र ‘साढे ७’मा राखिएको निर्देशक भुटियाले बताए । सुनिल थापाको प्रस्तुति, सत्यस्वरुप इन्टरटेन्टमेन्ट, माउरी इन्टरटेन्टमेन्ट, ब्याल्क पेपर स्टुडियो, एबिसी एण्ड एआरसी ग्राण्डसन फिल्मस्को ब्यानरमा बनेको ‘साढे सात’मा सत्यराज र मेनुकाको साथै सुनिल थापा, कामेश्वर चौरासियाको मुख्य भुमिका रहेको छ ।