‘मेला’ को रोमान्टिक गीत रिलिज (भिडीयो)

फिल्मी फण्डा । फिल्म ‘मेला’ को रोमान्टिक गीत रिलिज भएको छ । अर्जुन पोखरेलको शब्द संगीत रहेको ‘यो मुटुमा अब तिम्रो’ बोलको गीतमा पुरुषोत्तम सुवेदी र शुभेच्छा ठकुरीको स्वर रहेको छ । पवित्रा आचार्यले कोरियोग्राफी गरेको गीतको भिडियोमा आमेश भन्दारी र आशिस्मा नकर्मीको प्रेम कहानी हेर्न सकिन्छ ।

कार्तिक २४ गतेबाट देशभरका हलहरुमा फिल्म ‘मेला’ लाग्ने भएको छ । भिडीयोमा आमेश र आशिस्मालाई रोमान्टिक मुडमा देख्न सकिन्छ । ‘मेला’ कतिको रमाईलो हुने हो त्यो भने पछि नै थाहा होला । बसन्त निरौलाको निर्देशन रहेको फिल्म मेला मा सलोन बस्नेत, आमेश भण्डारी र अशिष्मा नकर्मीसगैँ बसन्त भट्ट, निरज श्रेष्ठको पनि भूमिका रहेको छ ।

फिल्मको कथा, स्क्रिप्ट र संवाद हरि पन्तले गरेका हुन् फिल्ममा उनले सह निर्देशन समेत गरेका छन् । दिव्य सुवेदीको सिनेम्याटोग्राफी रहेको फिल्ममा अष्ट महर्जनको द्धन्द्ध निर्देशन छ ।