नेपाल भाषा फिल्म लाखे भाजुको घोषणा
फिल्मी फण्डा । नायिका आशिष्मा नकर्मी प्रस्तुतकर्ता रही नेपाल भाषामा परम्परागत लाखे नाच सम्बन्धि फिल्म बन्ने भएको छ । झण्डै एक दर्जनभन्दा बढी फिल्म गरिसकेकी नायिका आशिष्मा अब भने फिल्म निर्माण गर्न तर्फ लागेकी छिन् । आर्यम नकर्मी लेखक तथा निर्देशक रहेको फिल्ममा ५० लाख लगानी रहने भएको छ ।
मगंलबार राजधानीमा एक कार्यक्रम गर्दै फिल्मको घोषणा गरिएको हो । प्रदिप कुमार उदय परिकल्पना रहेको यस फिल्ममा आशिष्माको अलावा सोहित मानन्धर, मदनदास श्रेष्ठ, नगीना जोशी, गणेशराम लाछी, कृष्णभक्त मर्हजन लगायतका कलकारहरुको भूमिका रहेको छ ।
नरेन्द मर्हजन, गोपालकाजी कायस्था, चिजकुमार श्रेष्ठ, सुन्दर राज भण्डारी र दिपक श्रेष्ठ यस फिल्मका निर्माता हुन् । फिल्ममा मनराजा नकर्मीको संगीत, भीम बहादूर नकर्मी, युर्गालाल श्रेष्ठ,र आर्यम नकर्मीको गीत रहने भएको छ भने खड्ग बहादूर तामाङ्गको कोरियोग्रफी रहेको छ ।
यसमा तपाइँको प्रतिक्रिया दिनुहोस