प्रियंकालाई देखाउन ‘फाटेको जुत्ता २’ बन्ने
फिल्मी फण्डा । गत हप्ता रिलिज भएको फिल्म फाटेको जुत्ताको सिक्वेल अर्थात फाटेको जुत्ता २ निर्माण हुने भएको छ । आगामी नयाँ बर्षको दिन प्रदर्शन मिती तय गरि फिल्म निर्माण गर्न लागिएको निर्माता अर्जुन कुमारले बताएका छन् ।
फाटेको जुत्ता प्रदर्शनमा प्रियंका कार्कीसँग झगडा भएपछि उनले फिल्मलाई प्रचारमा सपोर्ट गरेकी थिईनन् । अहिले उनैलाई देखाउनै लागि अर्जुन कुमारले प्रियंका बाहेक सबै फाटेको जुत्ताको टिमलाई लिएर फिल्म फाटेको जुत्ता २ निर्माण गर्न लागिएको हो । फिल्ममा सौगात मल्ल मूख्य भुमिकामा देखिनेछन् । यस्तै फिल्मलाई निकेश खड्काले नै निर्देशन गर्नेछन् । निर्माता अर्जुन कुमारले अबका सबै आफ्नो ब्यानरका फिल्महरु आफ्नै कम्पनी अर्जुन कुमार फिल्मले वितरण गर्ने र अरु फिल्महरु पनि वितरण प्रक्रिया शुरु गर्ने बताईएको छ ।
अर्जुन कुमारले भने जस्तै फिल्ममा प्रियंकाले समय दिन नसकेपछि दुई बिच मन मुटाव शुरु भएको थियो । त्यसपछि फिल्म प्रदर्शनको केही दिन अघि मात्रै प्रियंका भारत घुम्न गएकी थिईन् । त्यसबाट रिसाएका फाटेको जुत्ता टिमले उनलाई लत्याएर फाटेको जुत्ता २ बनाउन लागेको बुझिएको छ । फाटेको जुत्तालाई कोरीयामा राजन राज कुँवरले वितरण गर्ने भएका छन।
यसमा तपाइँको प्रतिक्रिया दिनुहोस