रजनीको ‘पटुकी’ देखियो यस्तो
फिल्मी फण्डा । नायिका रजनी केसीले अभिनय गरेको फिल्म ‘पटुकी’को फस्ट लुक अर्थात पोष्टर सार्वजनिक गरिएको छ । फिल्म ‘पटुकी’ युनिटले सामाजिक सञ्जालको प्रयोग गर्दै पोष्टर सार्वजनिक गरिएको हो । राम नेपालले निर्देशन गरेको ‘पटुकी’ आगामी पौष २१ गतेबाट प्रदर्शनमा आउँदैछ ।
फिल्मलाई म्याक्टेन कालुले निर्माण गरेका हुन् । रजनी केसीले एक दर्जन भन्दा बढि फिल्महरुमा काम गरिसकेकी छिन् । उनले अभिनय गरेको फिल्म ‘परदेशी’ हिट फिल्म हो । फिल्ममा रजनीसँगै जेम्स विसी, निर्माता म्याक्टेन कालु, दिपक कँडेल, रोजी श्रेष्ठ, हरि गुरुङ लगायतका कलाकारहरुको पनि मुख्य भूमिका छ । स्क्रिप्ट समेत आफैं लेखेका निर्माता तथा कलाकार कालुले ‘पटुकी’ नारी प्रधान फिल्म भएको बताए । लक्ष्मण घिमीरेले खिचेको ‘पटुकी’मा राजनराज सिवाकोटीको संगीत रहेको छ ।
यसमा तपाइँको प्रतिक्रिया दिनुहोस