अपिलको निर्देशनमा नाजिरसँग शिल्पाको मस्ती

फिल्मी फण्डा । फिल्म ‘झुम्की’ निर्देशन गरेका निर्देशक अपिल विष्टको निर्देशनमा नायक नाजिर हुसेन र नव नायिका शिल्पा मास्केको अनस्क्रिन रोमान्स हुने भएको छ । अपिल विष्टले निर्देशन गर्न लागिएको नयाँ फिल्म ‘कागजपत्र’मा नाजिर शिल्पाको मस्ती रहने भएको हो । मंगलवार राजधानीमा एक कार्यक्रमको आयोजना गर्दै शो फिल्म र कास्ट एण्ड क्रिउको बारेमा जानकारी गराईएको छ । फिल्ममा नाजिर र शिल्पासँगै सरिता गिरी र भोलाराज सापकोटाको पनि मूख्य भुमिका रहने छ । वल्र्ड वाईड फिल्म र औष फिल्मको ब्यानरमा निर्माण हुन लागिएको फिल्म ‘कागजपत्र’ सोसल शटाएर कन्सेप्टमा निर्माण हुने निर्देशक अपिलले बताएका छन् । फिल्ममा खिलेन्लेन्द्र तिमल्सीना, मुकेश रेग्मी र प्रजापति शिवाकोटीको लगानी रहनेछ भने कार्यकारी निर्माता बिषारद बस्नेत रहनेछ ।

फिल्ममा संगीत सापकोटाको संगीत, अष्ट महर्जनको द्धन्द र निमेष श्रेष्ठको सम्पादन रहनेछ । फिल्मलाई अष्ट्रेलियाबाट आएका क्यासिमिर डिक्शनले खिच्नेछन् । यस अघि शिल्पाले फिल्म ‘ब्रेकअप’ र ‘लिलिबिली’ खेल्ने भनिएता पनि उक्त प्रोजेक्टबाट उनलाई निकालिएको थियो । यस्तै फिल्म ‘गाँठो’ व्यवसायिक रुपमा असफल भएपछि नाजिरको अरु चलचित्र दर्शकले हेर्न पाएका छैनन् । नाजिरको फिल्म ‘तिमीसँग’ र ‘रज्जारानी’ प्रदर्शनको क्रममा रहेको छ ।