केकीले कोहलपुर एक्सप्रेस देशैभर हुँइक्याउने
फिल्मी फण्डा । अहिले नेपालगञ्जको कोहलपुर हुँइकिरहेको कोहलपुर एक्सप्रेस देशैभर हुँईकने भएको छ । फिल्म कोहलपुर एक्सप्रेसको छायांकन अन्तिम चरणमा पुग्दा नयाँ बर्षको बैशाख १४ गते देशैभर कोहलपुर एक्सप्रेस हुँइकने जानकारी नायिका केकी अधिकारीले गराएकी हुन् ।
फिल्मी फण्डासँग कुरा गर्दै उनले फिल्मको छायाँकन अन्तिम चरणमा पुगेको र निर्माण टिमले सोचे जस्तै फिल्मको छायांकन भएको भईरहेको जानकारी दिएकी हुन् । उनले फिल्म वितरकहरुसँग समन्वय गरेरै प्रदर्शन मिती तय गरेको समेत बताएकी छिन् ।
कोहलपुर एक्सप्रेसलाई विशेषत केकी अधिकारी हुँइक्याईरहेकी छिन् । ३ साता अघि औपचारिक घोषणा गरेर छायांकनमा गएको फिल्म कोहलपुर एक्सप्रेसको अब केही दिनमा छायांकन सकिने समेत केकीले फिल्मी फण्डालाई बताएकी छिन् ।
सपनाको सजिलो बाटोहरु खोज्दै जाँदा भेटिने तीन युवतीहरु बीचको कथामा आधारित रही फिल्म ‘कोहलपुर एक्स्प्रेस’ निर्माण भएको हो । विशाल भण्डारी निर्देशक रहेको यस फिल्मलाई शान बश्यान्तले लेखेका हुन् । फिल्मको निर्माता केकी अधिकारी, भद« बहादूर, देवी लाल न्यौपाने, र शिव प्रसाद चौंलागाई हुन् । जुनकिरी आर्टसको ब्यानरमा बन्ने यस फिल्मललाई लोकेश बज्रचार्यले सम्पादन गर्ने छन् भने फिल्ममा अर्जुन तिवारीकोे छाँयाकन रहको छ ।
फिल्ममा केकी अधिकारी लगायत प्रियंका कार्की, रिचा शर्मा, विनोद न्यौपाने, बुद्घि तामाङ, रबिन्द« झा, सुजन कार्की लगायत कलाकारको अभिनय रहेको छ । फिल्मको गीतमा राजन राज शिवाकोटी, अर्जुन पोखरेल, र काली प्रसाद बास्कोटाको सगींत छ भने फिल्ममा गम्भीर बिस्टको कोरियोग्राफी रहको छ ।
भिडियो :
यसमा तपाइँको प्रतिक्रिया दिनुहोस