‘मिस र्वल्ड’ पछि ‘मिस युनिभर्स’ सम्पन्न

फिल्मी फण्डा । अहिले नेपालमा मात्र नभई विश्वमा नै विभिन्न सुन्दरी प्रतियोगिताहरु हुने गर्दछ । सोमबार मात्रै लस भेगसमा मिस युनिभर्स प्रतियोगिता सम्पन्न भएको छ । प्रतियोगितामा नेपालबाट नग्मा श्रेष्ठले पहिलो पटक मिस युनिभर्समा प्रतिनिधित्व जनाएकी थिइन् ।

प्रतियोगितामा साउथ अफ्रिकाकी २२ वर्षिय डेमी ले नेल पीटर्सले मिस युनिभर्सको उपाधि प्राप्त गरेकी छन् । उक्त प्रतियोगितामा उनले ९१ प्रतिस्पर्धीलाई पछि पार्दै यो ताज हात पारेकी हुन् । अफ्रिकाले दोस्रोपटक मिस युनिभर्सको ताज जितेको छ ।

डेमीको अनुसार, ‘मिस युनिभर्स त्यो महिला हो, जसले थुप्रै डरहरूको सामना गरेकी हुन्छिन् र साथै उनले अरु महिलाहरूको डरलाई पनि घटाउन मद्धत गर्छे र मलाई लाग्छ म त्यस्तै महिला हुँ ।’