ऋचा सिंह ठकुरी लामो अन्तराल पछि पर्दामा (भिडियो)
फिल्मी फण्डा । सुपरहिट फिल्म नाई नभन्नु ल मा अभिनय गरेकी नायिका ऋचा सिंह ठकुरी धेरै समयको अन्तराल पछि नेपाली फिल्ममा देखिएकी छिन् । चलचित्र ’सुपर गोर्खे’ मा ऋचा देखिएकी हुन् । फिल्म सुपर गोर्खे को नयाँ गीत सार्वजनिक भएको छ । यो फिल्मलाई ऋचा सिंह ठकुरी आफैले निर्माण गरेका हुन् । सुपर गार्खेमा समावेश भएको ’तिमी नै हौ’ बोलको रोमान्टिक गीत शुक्रवार सार्वजनिक भएको हो ।
किरण माईकलको लेखन रहेको चलचित्रलाई सौरभ लामाले खिचेका हुन् भने द्धन्द्ध निर्देशन चन्द्र पन्तको छ । निर्माताको रूपमा ईश्वरी सिंह ठकुरी, रामकृष्ण र सुदिपजंग थापा रहेका छन् । विवाहपछि ऋचा सुपर गार्खे लिएर दर्शकमाझ आएकी हुन् । चलचित्र मङ्सिर २९ देखि देशभर लाग्दैछ ।
तारा प्रकाश लिम्बुको सङ्गीत, ज्ञानेन्द्र ताम्लिङको शब्द रहेको गीतमा गायिका रजनी रिमाललाई सङ्गीतकार लिम्बुले साथ दिएका छन् । गीतमा रामजी लामिछानेको कोरियोग्राफी रहेको छ । राज थापा निर्देशित चलचित्र सुपर गोर्खे मा ऋचा सिंहसँगै सुरज सिंह ठकुरी, निराजन लुईंटेल, भुपेन्द्र क्षेत्री सचिन केसी, कामना भुजेल, भानुदेव विष्ट, उत्तम विष्ट, विनय दाहाल, सन्तोषी श्रेष्ठ र राज थापाको अभिनय रहेको छ ।
भिडियो :
यसमा तपाइँको प्रतिक्रिया दिनुहोस