कान्छी मट्याङ ट्याङ फिल्म हैन गीत मात्रै (भिडियो)

फिल्म फण्डा । गत बर्ष पुरन थापाको फिल्म ‘कान्छी मट्याङ ट्याङ’ रिलिज भएको थियो । जयकिशन बस्नेत नायकको रुपमा भएको फिल्म ‘कान्छी मट्याङ ट्याङ’ राम्रै ब्यापार पनि गरेको थियो । त्यहि फिल्मको टाईटलमा फिल्म ‘शेर बहादुर’ले गीत सार्वजनिक गरेको छ । फिल्म ‘शेर बहादुर’को ‘कान्छी मट्याङ ट्याङ’ बोलको गीत राजधानीमा मंगलवार एक कार्यक्रम बिच सार्वजनिक गरिएको हो ।

सार्वजनीक गरिएको गीतमा मेनुका प्रधान, कर्मा र रविन्द्र झालाई फिचर गरिएको छ । शेरबहादुर एक अवकास प्राप्त आर्मीको कथामा आधारित थ्रिलर जनराको सिनेमा हो । झट्ट नाम सुन्दा राजनीतिको गन्ध आए पनि यो कुनै राजनीतिसंग सम्बन्धित सिनेमा नभएको निर्माण टिमले बताईएको छ । सुनिल थापा , कर्मा , मेनुका प्रधान, रविन्द्र झा यस सिनेमाका मुख्य कलाकारहरु हुन् । पहिलो पटक सेट निर्माण गरेर ८० प्रतिशत सिनेमा खिचिएको निर्माण पक्षको दावी छ । जुन सेट तयार गर्न मात्रै २५ लाख बढी खर्च गरिएको बताईएको छ । निर्देशक आर राजवंशि हुन् भने निर्माताका रुपमा बरिष्ठ छायांकार गौरीशंकर धुजु र धिराज राजवंशी हुन् । माघ १९ गते रिलिज गरिने पनि निर्माण पक्षले बताईएको छ । कोशिस क्षेत्रीको शब्द संगीत र स्वर रहेको यस गीतमा मिना निरौलाले स्वर दिएकी छिन् । गीतलाई बसन्त श्रेष्ठले निर्देशान गरेका हुन् ।

भिडियो :