बोर्ड अध्यक्ष निकितालाई चलचित्र संघ द्धारा बधाई ज्ञापन
फिल्मी फण्डा । हालै चलचित्र विकास बोर्डमा नियुक्त भएकी अध्यक्ष निकीता पौडललाई नेपाल चलचित्र संघले स्वागत तथा बधाई ज्ञापन गरेको छ । संघले आफ्नै कार्यालयमा अध्यक्ष प्रदिप कुमार उदयको सभापतित्वमा स्वागत तथा बधाई कार्यक्रम सम्पन्न गरेको हो । बोर्ड अध्यक्ष निकीतालाई चूनौती र संभावनाको वारेमा उदृत गर्दै समग्र चलचित्र क्षेत्रको विकासको लागि अबको अध्यक्षले सोच्नुपर्ने दिन आएको र त्यसको लागि संघले सहयोग गर्ने समेत अध्यक्ष प्रदिप कुमार उदयले बताएका छन् । कार्यक्रममा निर्माता संघ, निर्देशक समाज, कलाकार संघ, प्राविधिक संघ, चलचित्र पत्रकार संघ लगायतका पदाधिकारीहरु उपस्थित भएका थिए ।
यता हालै बोर्डमा आएका अध्यक्ष निकीता पौडेल भने विवादमा परेकी छिन् । अस्ताउनै लागेको सरकारले नियुक्त गरेकै कारण उनको विपक्षमा बाम गठबन्धनका नेता लगायत केही चलचित्रकर्मीहरु समेत देखिएका छन् । वर्तमान अवस्थामा बोर्डमा पद बहाली गरेकी निकीतालाई नयाँ सरकार नबनुञ्जेल केही काम गरेर देखाउने चूनौती छ । यसो त बोर्डका अन्य सदस्यहरुले पनि बोर्ड अध्यक्ष प्रति खासै चासो देखाएका छैनन् ।
नयाँ सरकारले यो नियुक्तीलाई विवादमा तानिने होकी भने प्रश्न पनि खडा भएको छ । तर सरकारकै प्रक्रियागत तरिकाले योज्ञ व्यक्ति नै बोर्डमा आएको चलचित्र संघका पदाधिकारीहरु तथा अन्य केही चलचित्रकर्मीहरुको दावी पनि छ । यस अघि बोर्डमा आएका अध्यक्षहरुले फिल्म सिटी र बक्स अफिसलाई प्रथामिकतामा राखेपनि कामको थालनी गर्न सकेनन् । निकीता पौडेलले आफ्नो कार्यकालमा के गर्ने हुन् त्यो हेर्न बाँकी नै छ ।
यो पनि पढ्नुहोस् :
यसमा तपाइँको प्रतिक्रिया दिनुहोस