फ्राईडे रिलिज : आजबाट पर्दामा ‘माई लभ’ र ‘गोरे’

फिल्मी फण्डा । आज शुक्रवारबाट फिल्म ‘माई लभ’ रिलिज हुदैछ । फिल्म माई लभमा भूकम्पले काठमाडौं उपत्यका र आसपासका क्षेत्रमा गरेको क्षतिसँगै भूकम्पका समयमा सुरक्षाकर्मी र उद्दारकर्मीहरुले खेलेको प्रशंसनीय भूमिका देखाईएको छ । ‘माइ लभ’ चलचित्रले आफ्नो देशको महत्वपूर्ण सम्पदास्थलहरुको महत्व दर्शाउदै तिनीहरुको पुनर्निर्माण र संरक्षण गर्नु सबै नेपालीको दायित्व रहेको सन्देश दिइएको छ ।

चलचित्रमा धरहरा ढल्दै गरेको दृश्यलाई पनि जीवन्त रुपमा देखाइएको छ भने भूकम्पले तहसनहस पारेको काठमाडौंलाई वास्तविक रुपमा प्रस्तुत गरिएको छ । भुकम्पको सेरोफोरोलाई पुन स्मरण गराउन र कतिपय संरचनाहरु द्धस्त भएको भिडियो हेर्न पनि माई लभ हेन उपयुक्त हुने निर्माण टिमको दावी रहेको छ । जापानी निर्देशक डा.तोसिआकी इतोहले निर्देशन गरेको चलचित्रमा गणेश लामा, नयाँ अनुहार शितल श्रेष्ठ, जापानी अभिनेत्री रिवन मित्सुतानीको मूख्य भूमिका रहेको छ ।

यस्तै नेपाली कलाकारहरु चैत्यदेवी सिंह, चाँदनी लामा, राजु भुजु, मञ्जु श्रेष्ठ र जापानी कलाकारहरु युइची हायाता, शुतारो मत्सुदा, काजुतोशी थासाका, ताक् मियामोतोको समेतको अभिनय हेर्न पाइनेछ । माई लभसँगै फिल्म ‘गोरे’ पनि प्रदर्शनमा आउँदैछ । ‘गोरे’मा नायक दिलिप रायमाझिको अभिनय रहेको छ ।