प्रदीप र प्रियंकाको गीत सँगै लिलीबिलीको इन्डक्ल्याप

फिल्मी फण्डा । बेलायतको विभिन्न शहरमा छायांकन भएको फिल्म लिलीबिलीको युरोप छायाँकन सकिएको छ । झन्डै ५० दिनको युरोप सुट पछि प्रदीप खड्का र प्रियंका कार्कीको फिचरिङ गीत सकिए लगत्तै फिल्मको इन्डक्ल्याप भएको छ । अब सिनेमाको बाँकी छायाँकन नेपालमै हुने निर्माण पक्षले जानकारी गराएका छन् ।

काफिया फिल्मस्, सुदीप खड्का प्रोडक्सन र चाम्स इन्टरटेनमेन्टको व्यानरमा निर्माण भैरहेको फिल्ममा प्रदिप खड्का, प्रियंका कार्की, अनुपविक्रम शाहीसँगै नव नायिका जसीता गुरुङको मूख्य भुमिका रहेको छ । फिल्म युनिटले क्रिसमसको छेको पारेर फिल्मको पहिलो गीत सार्वजनिक गरिने भनिएको थियो तर अहिले सम्म फिल्म युनिटले कुनै पनि गीत सार्वजनिक गरिएको छैन । फिल्ममा गोविन्द शाही, सुदिप खड्का र निर्देशक चाम्स लगानी रहेको छ ।