मेलिना राईको थारु गीत सार्वजानिक (गीत सहित)
फिल्मी फण्डा । नेपाली नायक–नायिका र गायक–गायिकाहरु अहिले प्राय बलिउड तिर आर्कषित भएका छन् । केही समय अघि नायिका प्रियंका कार्कीले बलिउडमा अडिशन दिन गएको कुराले सिने बजार तातिएको थियो ।
यस्तै केही दिन अघि मात्र नायक सबिन श्रेष्ठ पनि भोजपुरी फिल्ममा व्यस्त रहेको समाचार सामाजिक सञ्जालहरुमा आएको थियो र अब गायिका मेलिना राईले पनि थारु भाषाको गीत गाउन थालेकी छिन् । ‘चाँद जैसिन तोहार सुरतिया’ बोलको गीतमा मेलिनासँगै थारु गायक नरेश जोगीको स्वर रहेको छ ।
गीतको भिडीयोलाई अर्जुन थापाले निर्देशन गरेका हुन् भने गीतलाई राजु केसीले खिचेका हुन् । गीतमा नरेशकै शब्द र संगीत रहेको छ भने संगीत संयोजन विशाल निरौलाले गरेका छन् । मेलिना भन्छिन् – ‘मलाई विभिन्न समुदायका भाषामाथि गीत गाउन मनपर्छ,’ ‘थारु भाषा त बुझ्दिन तर गीत गाउने अवसर पाउँदा निकै खुशी छु ।’ गीतको भिडियोमा जेएमसी चौधरी र करिष्मा चौधरी फिचरिङमा छन् ।
गीत :
यसमा तपाइँको प्रतिक्रिया दिनुहोस