कहिले फेरिन्छ दयाहाङको पात्र, ‘कबड्डी’को गन्ध ‘मिस्टर झोले’मा नभएको दावी

फिल्मी फण्डा । यहि पौषको २८ गते प्रदर्शन हुन लागेको फिल्म ‘मिस्टर झोले’ को ट्रेलर रिलिजदेखी सबैले ‘कबड्डी’ र ‘कबड्डी कबड्डी’ को गन्ध भएको चर्चा निकै चल्न थालेको छ । रामबाबु गुरुङ निर्देशित फिल्महरु प्राय सबै उस्तै रहेको मिडियाकर्मी देखी आम दर्शकको गुनासो आउन थालेको छ । यस्तै फिल्म ‘मिस्टर झोले’लाई पनि कतिपयले ‘कबड्डी’ कै निरन्तरता भनिएको छ ।

तर फिल्मका युनिटले भने ‘मिस्टर झोले’मा ‘कबड्डी’को गन्ध भएको मान्न तयार छैन । फिल्मको निर्माण टिमले बरु फिल्म ‘झोले’को निरन्रता भन रुचाएका छन् ‘मिस्टर झोलेलाई’ । एक पत्रकार भेटघाटमा फिल्मका निर्माता टेकेन खड्काले फिल्म ‘मिस्टर झोले’, ‘झोले’को सिक्वेल हो भन्दा खासै फरक पर्दैन समेत भने । मिडियाकर्मीले रामबाबुको फिल्म प्राय उस्तै रुपमा लगातार आईरहेकोले खासै फरक नभएको प्रश्न गर्दा उत्तर दिन निर्देशक रामबाबु गुरुङ भने उपस्थित थिएनन् । निर्माता टेकेनले ‘मिस्टार झोले’ अलि फरक हुने दावी गरे । उनले फिल्ममा उस्तै कमेडी, एक्शन, ड्रामा हुने भएकोले मिल्दो झुल्दो लागेता पनि ‘मिस्टर झोले’ फरक भएको दावी गरेका छन् ।

यता नायक दयाहाङ राईलाई तपाईको फिल्मी पात्र सधै एकै रुपमा हुन्छ किन परिवर्तन हुदैन भन्ने प्रश्न गर्दा दयाहाङले फिल्मको कथाहरुनै फरक नभेटिएको दावी गरे । उनले अहिले सम्म जस्तो कथा पाएको छ, अनि निर्देशकले जे भनेको छ, त्यस्तै गरेको बताए । राजेश हमालकै लाईनमा किन दयाहाङ भनि प्रश्न गर्दा दयाहाङले आफुले त्यो विषयमा नसोचेको बताए । उनले फिल्मको विषयवस्तु अनुसार न्याय दिने कोशिश जहिले गरिरहेको समेत बताए । फिल्म खेल्दै गर्दा कतिपय फिल्महरु सम्बन्धका कारण खेल्नुपर्ने भएकाले केही फिल्म उस्तै लागेको जस्तो भएको बताएका छन् । लगातार एउटै परिवेश र कयारेक्टरले आम दर्शकहरु पछिल्लो समय दयाहाङको फिल्मबाट आजित भईसकेको बुझ्न सकिन्छ । किनकी यसको उदाहरणको रुपमा ‘घामपानी’ पछि दयाहाङको पछिल्लो कुनै पनि फिल्म हिट भएका छैनन् ।

फिल्म ‘मिस्टर झोले’को पत्रकार भेटघाटमा भने निर्देशक रामबाबु गुरुङ काम विशेषले उपस्थित नभएको जानकारी गराए । यसो त फिल्मका नायिकाहरु प्नि कार्यक्रममा उपस्थित थिएनन् । तर वास्तविकता के हो त्यो निर्माण टिमलाई थाहा होला । x सिनेमा आर्ट र टेकेन खड्काको प्रस्तुतीमा निर्माण भएको फिल्म ‘मिस्टर झोले’मा दयाहाङ र दियाको अलवा बर्षा राउत, पुष्कर गुरुङ, बुद्धि तामाङ, प्रविण खतिवडा, विजय बराल, अरुणा कार्की, कमल मणि नेपाल, निरु खड्का, माओत्से गुरुङ लगायतको मूख्य भुमिका रहेको छ । राम बाबुकै कथा संवाद रहेको फिल्मलाई राम बाबुसँगै टेकेन खड्का र रौनक विक्रम कँडेलले निर्माण गरेका हुन् । फिल्ममा काली प्रसाद बास्कोटा को संगीत रहेको छ ।