मध्यरातमा पशुपतिमा गाँजा खाँदै नीता र राजाराम (भिडियो)

फिल्मी फण्डा । फिल्म ‘हुर्रे’ को गीत बाँचेनी पशुपति मरेनी पशुपति सार्वजनिक भएको छ । आइतबार राजधानीको क्यूज सिनेमामा एक कार्यक्रको आयोजना गर्दै उक्त गीत सार्वजनिक गरिएको हो । उक्त गीतमा नीता दुगाना, राजाराम पौडेल र अंकित फिचरीङ छन् । राजनराज शिवाकोटी र मिलन आमात्यको स्वर, राजेन्द्र थापाको शब्द र राजनराजकै संगीत रहेको गीतलाई बिक्रम स्वारले कोरियोग्राफ गरेका हुन् ।

गीतमा राजाराम पौडेल, नीता दुंगाना र अंकीत पशुपतिमा मा मध्यरातमा गाँजामा मातिएका देखिन्छन् । फिल्मलाई दावा शेर्पा, सोनाम लामा र छिरिङ दोर्जेले निर्माण गरेका हुन् । फागुन २५ गते प्रर्दशनमा आउने फिल्ममा यम थापाको लेखन तथा निर्देशन र चन्दन दत्तको सम्पादन रहेको छ ।

फिल्ममा राजाराम पौडेलले दुई नायिका केकी अधिकारी र नीतासँग रोमान्स पनि गरेका छन् । कमेडी कलाकार राजाराम पौडेल यस फिल्ममा मूख्य भुमिकामा प्रस्तुत भएका छन् । फिल्ममा विजय बराल र अनुप विक्रम शमहीको पनि मूख्य भुमिका रहेको छ ।