५० वर्ष पुरानो कथा – फिल्म ‘पंचायत’

फिल्मी फण्डा । फिल्म ‘पंचायत’ को अमेरिकाको भर्जिनियामा प्रिमियर सम्पन्न भएको छ । चलचित्र हेरेर निस्केका प्राय दर्शकले चलचित्र निकै राम्रो बनेको प्रतिक्रिया दिएका छन् । सामाजिक ब्यबस्था र समाजको चित्रणको कथामा बनेको फिल्म ‘पंचायत’ल “सन फ्रान्सिस्को चलचित्र महोत्सव ” मा “ बिदेशी भाषाको उत्कृष्ट चलचित्र ” विधामा र नायिका निता ढुंगानाले “उत्कृष्ट मुख्य अभिनेत्री ” विधामा पुरस्कार जित्न सफल भएको थियो ।

५० वर्ष पुरानो कथामा निर्माण गरिएको यस सिनेमामा शिवम अधिकारीको लेखन तथा निर्देशन छ । फिल्मको गीतमा टंक बुढाथोकीको संगीत तथा शिवम अधिकारीको शब्द सिर्जना रहेको छ भने सरु गौतमको स्वर रहेको छ । चैत्र २ गतेबाट अलनेपाल रिलिज हुने सिनेमामा निताका अलावा सरोज खनाल, रुपा राना, गीता अधिकारी, गणेश गिरी, जाहान्वी बस्नेत, विशाल पहारी, किरण थापा, राजुबाबु श्रेष्ठ लगायतका कलाकारको अभिनय छ ।

गणेश गिरीको प्रस्तुतिमा सुशान्त श्रेष्ठ र शंकर सुवेदीले निर्माण गरेको यो सिनेमामा विपिन मल्लको सम्पादन, रामेश्वर कार्कीको छायाँकन छ ।