Breaking: पुजाको फिल्ममा ‘तक्मे’ र ‘रविन्द्र’ पनि फाईनल, ‘माग्नेबुढा’सँग फेरि जोडी गाँस्दै ‘तक्मे’
फिल्मी फण्डा । निर्देशक सुदर्शन थापा र नायिका पुजा शर्माले निर्माण गर्न लागेको अनटाईटल नयाँ फिल्ममा केदार घिमिरे ‘माग्नेबुढा’ ले १० लाख पारश्रमिक लिएको खबर बाहिरिएदेखी फिल्मीबृत तरंगीत भएको छ । यसो त ‘माग्नेबुढा’ले १० लाख लिएकै कारण चर्चा बढिरहेको सुदर्शनको नयाँ फिल्मको चर्चा अझ बढि हुने निश्चित भएको छ । अनटाईटल राखिएको नयाँ फिल्मको लागि निर्देशक सुदर्शन थापाले कलाकारद्धय विल्सन विक्रम राई र रविन्द्र झा लाई पनि फाईनल अनुबन्ध गरेका छन् ।
अब फिल्ममा पुजा शर्मा र नयाँ डेब्यु नायकको साथै केदार घिमिरे ‘माग्नेबुढा’, विल्सन विक्रम राई ‘तक्मे’ र रविन्द्र झाको पनि मूख्य अभिनय रहने भएको हो । यी कलाकारहरु फाईनल हुने बितीकै फिल्मको हेभिवेट अझ बढेको छ भने अर्को तिर फिल्मप्रति फिल्मकर्मी र दर्शकको आशा बढ्नेमा कुनै दुईमत छैन । फिल्मप्रति सबैले चासो बढाउन थालेको छ । कतिपयले सुदर्शनको यो फिल्मलाई सुदर्शनको ड्रिम प्रोजेक्ट भनिएको छ । यस कारण पनि यो फिल्म धमकेदारसँगै हिट हुने अनुमान गर्न सकिन्छ । अर्को प्रसंग के छ भने निर्देशक सुदर्शन थापाले ‘माग्नेबुढा’ र ‘तक्मे’लाई फेरि जोडीको रुपमा प्रस्तुत गर्न लागिएको हो ।
सानो पर्दादेखी स्टेज कार्यक्रमहरुमा ‘माग्नेबुढा’ र ‘तक्मे’ले आफ्नो प्रस्तुती पस्केर लाखौं दर्शकहरुको मन जितिसकेको छ । पछि केही कारण यी दुई बिचको जोडी छुटेको थियो । तर सुदर्शन र पुजाको नयाँ फिल्ममा यी दुई एकै जोडीमा देखिने भएको छ । यसले अन्य हाँस्य प्रधान फिल्महरुलाई असर त गर्छ नै अर्कोतिर दर्शकहरुको चाहनालाई पनि पुरा गर्नेछ । फिल्मको सफलतासँगै ‘माग्नेबुढा’ र ‘तक्मे’को जोडीलाई दर्शकले पुन रुचाईएको खण्डमा फिल्म छक्का पञ्जा क्याम्पलाई कष्ट हुनेछ ।
किनकी छक्का पञ्जा क्याम्पबाट निर्माण भएको सबै फिल्म हिट छन् जसको प्रमूख श्रेय ‘माग्नेबुढा’ हुन् । त्यस कारण पनि ‘माग्नेबुढा’ र ‘तक्मे’को जोडी सँगै नहोस् भन्ने चाहन्छ छक्का पञ्जा क्याम्प । रविन्द्र झा पछिल्लो समय निकै चलेका कलाकार हुन् । प्राय क्यारेक्टर रोलमा रविन्द्रलाई दर्शकले राम्रै माया दिईरहेको छ । ‘माग्नेबुढा’, ‘तक्मे’ र रविन्द्र रहने यो फिल्म कमेडी जनरामा रहनेमा कुनै दुईमत रहेन । सुदर्शन थापाले लभस्टोरी फिल्म राम्रै बनाउने सबैमा सर्वविदीतै छ । लभस्टोरी कमेडी कस्तो बनाउने हो त्यो २०७५ सालमा थाहा हुनेछ ।
यसमा तपाइँको प्रतिक्रिया दिनुहोस