‘छक्का पञ्जा ३’ सँग जुधाउन ‘जय भोले’ बनाउँदै अशोक

फिल्मी फण्डा । २०७४ सालको दशै अर्थात फुलपातीको दिन रिलिज भएको फिल्म छक्का पञ्जा २ सँग निर्देशक, निर्माता, अभिनेता तथा वितरक अशोक शर्माको समबन्ध चिसीएको थियो । फिल्म छक्का पञ्जा टिमले अशोक शर्मालाई फिल्म वितरणको लागि दिईएको थियो । पछि आन्तरिक विवादका कारण छक्का पञ्जा २ डिसिएनले वितरण गरेनन् । त्यहि समयदेखी अशोक शर्मा र छक्का पञ्जा टिम बीच दुरी बढेको हो ।

अशोक शर्मा एउटा राम्रो फिल्म बनाएर फिल्म छक्का पञ्जासँगै जुधाउन पहिल्यै देखी तम्सिरहेका थिए । फिल्म छक्का पञ्जा टिमले छक्का पञ्जा २ रिलिजकै बेला छक्का पञ्जा ३ २०७५ सालको दशै अर्थात फुलपातीको दिन रिलिज घोषणा गरिएको थियो । अन्तत यहि मितीमा रिलिज गर्ने उद्देश्यले अशोक शर्माले फिल्म निर्माण गर्ने भएका छन् । अशोक शर्माले निर्माण गर्न लागिएको फिल्मको नाम हो जय भोले । ३५ बर्ष फिल्म क्षेत्रमा बिताएका अशोकले ट्रक ड्राईभरबाट फिल्म निर्माणमा हात हालेका हुन् भने फिल्म सिताबाट निर्देशनको बाटो तय गरेका थिए ।

आधा दर्जन बढि फिल्म निर्देशन गरेका अशोकले लगभग एक दर्जन फिल्म निर्माण गरिसकेका छन् । बीचमा फिल्म निर्माणबाट उनी वितरणमा लागेका थिए । नेपाली फिल्म क्षेत्रमा डिजीटल प्रविधीको आगमनसँगै डिसिएन सञ्चालनमा ल्याएका उनी लगातार वितरककै रुपमा लागिपरे । शुरु देखीनै फिल्म छक्का पञ्जा २ सँग जुधाउने लक्ष्य लिएका अशोकले कुनै पनि हालतमा फिल्म फुलपातिकै दिन लगाउने दावी गरे । फिल्म जय भोलेमा खगेन्द्र लामिछाने, सौगात मल्ल, सलोन बस्नेत, स्वस्तिमा खड्का, राजाराम पौडेल, बुद्धि तामाङ, जयनन्द लामा, अशोक शर्मा, बसुन्धरा भुषाल लगायतको अभिनय रहनेछ । फिल्मको कथा खगेन्द्र लामिछानेले लेखेका हुन् ।

राजनराज शिवाकोटी र कल्याण सिंहको संगीत तथा बसन्त श्रेष्ठको नृत्य रहने फिल्मलाई पुरुषोत्तम प्रधानले खिच्नेछन् । कमेडी जनरामा सोसल ड्रामा प्रस्तुत हुने फिल्मको छायाँकन फाल्गुन १ बाट शुरु हुने बताईएको छ । हाल सम्मको आफ्नो अनुभवलाई संगालेर फिल्म निर्माण र निर्देशनमा फर्किएका अशोक शर्माले आफुले बनाउन लागेको फिल्म राम्रो हुने प्रतिवद्धता व्यक्त गरे । फिल्म जय भोलेमा रहने अधिकांश कलाकारहरु फिल्म छक्का पञ्जा ३ मा पनि रहने अनुमान छ । जय भोलेमा किरण शर्मा, कृति शर्मा र अंकीत शर्मा निर्माताको रुपमा रहनेछन् । फिल्मको गीत संगीत र कमेडी ड्रामा राम्रो हुने निर्माण पक्षले दावी गरेका छन् । फिल्मको छायाँकन झापा र ईलाममा हुने बताईएको छ ।