दयाहाङ्गसँग माया गाँस्दै सुरक्षा ( गीत )

फिल्मी फण्डा । फिल्म ‘भैरे’ को दोश्रो गीत सार्वजनिक भएको छ । मगंलबार राजधानीमा एक कार्यक्रमको आयोजना गर्दै फिल्म युनिटले ‘सनम माया लाको ’ बोलको गीत सार्वजनिक गरेको हो । गीतको भिडियोमा दयाहाङ्ग राई र वर्षा सुरक्षा पन्त फिचरिङ्गमा छन् । गीतमा एभरेष्ट सूर्य बोहोराको शब्द, यम बरालको संगीत, यम बराल र अन्जु पन्तको स्वर र बसन्त श्रेष्ठको कोरियोग्राफी रहेको छ ।

फिल्ममा सुरक्षा पन्त, सुनिल थापा, अनुभव रेग्मी, कञ्चन ठकुरी, अंकित पौडेल, सयाहाङ राई, जान्वी बोहरा, जयनन्द लामा, सुरविर पण्डित, अर्जुन गुरुङ लगायतका कलाकारहरुको अभिनय रहेको छ । पुरुषोत्तम प्रधानको छायांकन रहेको फिल्ममा एभरेष्ट सूर्य बोहराको लेखन तथा निर्देशन, सूर्य थोक्करको द्वन्द्व, बनिष शाहको सम्पादन रहेको छ । फिल्मको निर्मातामा प्रेम प्रसाद पौडेल र देवीमाया अधिकारी हुन् भने करुणाकर घिमिरे, सविता गुरुङ र कुमार बस्नेत फिल्मका सह–निर्माता हुन् ।