डन्डीबियोको खेलबाट आत्मबलको अभ्यास गर्दै डमरु (गीत)

फिल्मी फण्डा । फिल्म डमरुको डन्डीबियोमा डमरुले आत्मबलको लागि डन्डीबियो खेल्दै गरेको गीत ‘तितेपाते तितेपाते’ सार्वजनिक भएको छ । राजधानीमा फिल्मका निर्माण टिमले एक कार्यक्रमको आयोजना गर्दै गीत सार्वजनिक गरिएको हो । ‘तितेपाते तितेपाते झ्याप झ्याप’ बोलको गीतमा कालीप्रसाद बाँस्कोटाको स्वर र संगीत छ । सवीन एकतारेको शब्द गीतमा रहेको छ ।

फिल्मको गीतमा फिल्मका शिर्ष पात्र अभिनेता खगेन्द्र लामिछाने, अनुप बराल, अभिनेत्री मेनुका प्रधान, कलाकार वुद्धि तामाङ, आशान्त शर्मा, लक्ष्मी बर्देवालाई डण्डीबियो सिक्दै र खेल्दै गरेको देख्न सकिन्छ । फिल्ममा खगेन्द्र डमरु र अनुप डण्डीबियो प्रशिक्षकको रुपमा प्रस्तुत भएका छन् । एक समय राष्ट्रिय खेलको रुपमा रहेको डन्डीबियोलाई मुख्य कथा बनाएर विनोद गुरुङले फिल्म निर्माण गरेका हुन् । खगेन्द्र लामिछानेकै कथा रहेको फिल्मलाई छेतेन गुरुङले निर्देशन गरेका हुन् ।