नेपालमा डोनाल्ड ट्रम्प
फिल्मी फण्डा । नेपालमा पनि डोनाल्ड ट्रम्प आउँदै हुनुहुन्छ भन्दा तपाईलाई आश्चर्य लाग्न सक्छ । कमेडी किंग भनेर परिचित मनोज गजुरेलले नेपालका स्टेज देखी विदेशका कार्यक्रमहरुमा आफुलाई डोनाल्ड ट्रम्प बनाएर विभिन्न शोहरु गर्दै आईरहेका छन् । हुन त गजुरेलले अमेरिकी राष्ट्रपति डोनाल्ड ट्रम्प मात्र हैन प्राय सबै नेता तथा चर्चित व्यक्तिहरुको नक्कल गर्ने गर्छन् ।
त्यहि क्रममा उनले डोनाल्ड ट्रम्पको नक्कल गरेका हुन् । सन्दर्भ के हो भने अमेरिकाको एक प्रतिष्ठित मिडियाले मनोज गजुरेललाई समाचारको सामाग्री बनाएका छन् । अमेरिकी अनलाईन सिबिएसले उनलाई डोनाल्ड ट्रम्पको नक्कल गर्ने विश्वका १८ कलाकारको सुचिमा अटाइएका छन् । मनोज गजुरेल डोनाल्ड ट्रम्पको नक्कल गरेर विश्वको उत्कृष्ट १८ मा पर्न सफल भएका हुन् ।
सुचीमा मनोज गजुरेल सहित विभिन्न देशका कमेडियन कलाकारहरु एलेक बाल्डविन, एन्थोनी एटामानुइक, रोबर्ट एन्सलर, मार्सेल फोरेष्टेरी, एलिसन ज्याक्सन, डस्टिन गोल्ड, डेनिस एलन, माइक ओसम्यान, डेरिओ बालान्टिनी, जोन डी डोमेनिको, एरिक ज्याकम्यान, टोड वेरटालिक, डान कनेली, रोनाल्ड ग्रम्प, आरजे मोरिस, राफेल आल्मोडोभार लगायत छन् ।
नेपालका शिर्ष नेताहरु पुष्पकमल दाहाल प्रचण्ड, केपी ओली देखी बाबुराम भटट्राई र पूर्व राजा ज्ञानेन्द्र शाह को नक्कल गरेर नेपाली दर्शक माझ परिचित गजुरेल अब डोनाल्ड ट्रम्पको नक्कल भएर अन्र्तराष्ट्रिय जगतमा पनि चिनिएका छन् ।
यसमा तपाइँको प्रतिक्रिया दिनुहोस