‘नालापानी’ छायांकन मा उत्रियो अंग्रेज फौज
फिल्मी फण्डा । चलचित्र ‘नालापानी’को राजधानीका विभिन्न स्थानहरुमा छायांकन भईरहेको छ । नारायणहिटी दरबार संग्राहलयको उत्तरमा रहेको नेपाल आर्मीको गोरख गणको मैदानमा हाल छायांकन भएको भईरहेको छ । शुक्रबारको छायांकनमा नेपालीसँग युद्द लड्न अंग्रेज फौज आउँदै गरेको दृश्य थिए ।
नेपाल आर्मीबाट प्राप्त झण्डै पचास वटा घोडा र करिब ३ सय हतियार सहितका फौज मैदानमा उतारिएको थियो जसलाई भिएफएक्सको माध्यमबाट हजारौँको संख्या देखाईने निर्देशक रिमेश अधिकारीले बताए । उक्त दृश्य छायांकनमा पाँच वटा क्यामेरा प्रयोग गरिएको थियो ।
भिएफएक्सको अधिक प्रयोग हुने यस चलचित्रका सम्पूर्ण दृश्य छायांकनमा चलचित्रका सम्पादन टीम तथा भिएफएक्स टीम सँगै रहेर काम गरिरहेका छन् । काठमाण्डौ र आसपासमा छायांकन सकिएपछि चलचित्र यूनिट उपरदाङ्ग गढी पुग्ने बताईएको छ । निर्देशक अधिकारीका अनुसार चलचित्रको छायांकन करिव तीन महिना सम्म लगातार चल्नेछ ।
यसमा तपाइँको प्रतिक्रिया दिनुहोस