‘समाचार बिकाउन चरित्र हत्या नगरियोस’ अनमोल केसी

फिल्मी फन्डा । युवापुस्तामा आफ्नो छुटै क्रेज बनाउन सफल नायक हुन् अनमोल केसी । फिल्म ड्रिम्सबाट डेब्यु गरेका अनमोललाई पहिलो फिल्मबाट नै सफलता हात परेको थियोे । एक पछि अर्को हिट फिल्म दिएका अनमोलको यो वर्ष भने ‘कृ’ रिलिज भएको थियो । यो वर्षको प्रतिक्षित फिल्म कृलाइ मानिए पनि अपेक्षित कमाई भने यस फिल्मले गर्न सकेन् । फिल्म नचले पनि अनमोलको क्रेज भने घटेको छै युवा पुस्तामा । हाल उनी चलचित्र क्याप्टेनको तयारीमा लागिरहेका छन् ।

अनमोल यस्ता कलाकार हुन जो मिडियामा आइरहन मन पराउदैनन् । मिडियामा आएका समाचार प्रति पनि कुनै प्रतिक्रिया दिदैनन् तर यति बेला भने एक समाचारप्रति आपत्ति जनाएका छन् । केही दिन अघि ‘गाउँले भनेका साच्चिकै भिकारी हुन् र शहरिया चुहियो हुन् भन्ने शीर्षकमा एक समाचार प्रकाशित भए पछि उनले आपति जनाएका हुन । उनले आफ्नो फेसबुकमा स्टाटस लेख्दै भनेका छन् ‘समाचार बिकाउने उद्देश्यले कसैको पनि चरित्र हत्या नगरिदिनु हुन पनि अनुरोध गर्दछु । सबैलाई मेरो सम्मान र सद्भाव रहेको छ्र ।’