‘जात्रा’को सिक्वेल अव ‘जात्रै जात्रा’

फिल्मी फन्डा । वर्ष २०७३सालमा प्रदर्शनमा आएको सुपरहिट कमेडी फिल्म ‘जात्रा’ को अव सिक्वेल बन्ने पक्का भएको छ । फिल्मलाई प्रदीप भट्टराईले निर्देशन गर्ने भएका छन् भने रविन्द्रसिंह बानियाँले निर्माण गर्ने भएका छन् । सिक्वेल फिल्मको नाम ‘जात्रै जात्रा’ राखिएको छ । निर्देशक भट्टराईको अनुसार फिल्ममा धेरै पुराना कलाकार दोहोरिने छन् ।

‘जात्रा’मा विपिन कार्की, वर्षा राउत, रविन्द्रसिंह बानियाँ, रविन्द्र झा लगायतका कलाकारको अभिनय रहेको थियो । फागुन १७ गते प्रदर्शन मिति तोकेको चलचित्रको छायाङ्कन भने असारको अन्तिमबाट सुरु हुनेछ । सिक्वेलको नाम यस अघि ‘जात्रा २’ हुने चर्चा थियो । तर मंगलवार निर्देशक प्रदीप भट्टराई र निर्माता र कलाकार रविन्द्र सिंह बानियाँबीच भएको सम्झौताबाट फिल्मको नाम ‘जात्रै जात्रा’ जुराइएको छ ।