सम्पत्ति बेचेर सपना किनेँ – रोहित

फिल्मी फण्डा । फिल्म नेप्टेका निर्माता तथा कलाकार रोहित रुम्बाले आफ्नो सम्पत्ति बेचेर सपना किनेको बताएका छन् । उनका अनुसार फिल्म नेप्टे बनाउन उनले आफ्नो नाममा रहेको समपत्ति बेचेको बताएका छन् । स्कुल जीवनदेखी नाच्न र अभिनय गर्न रुचाउने उनी फिल्ममा अभिनय गर्न निरन्तर रुपमा लागिरहेका छन् । केही फिल्महरुमा काम गरेता पनि आफ्नो सपना अनुसारको काम गर्न नपाएकोले आफुले सोचेको र खोजेको जस्तै फिल्म बनाउने उनको सपना थियो ।

एउटा फिल्म बनाउने उनको ठूलो धोको थियो । त्यहि सपना ड्रिम प्रोजेक्टको रुपमा नेप्टे बनाएको हो । नेप्टे बनाउन उनले आफुले सम्पत्ति बेचेको बताएका छन् । लाखौंको सम्पत्ति उनले आफ्नो सपना अनुसारको फिल्म नेप्टे बनाउन बेचेका हुन् । नेप्टे यही चैत्र ३० गतेबाट प्रर्दशनमा आउदै छ । उनी यतिबेला फिल्मको प्रचार प्रसारमा निकै व्यास्त छन् । उनको ड्रिम प्रोजेक्ट भएका कारण पनि उनको दौडधुप निकै छ आजकाल ।

रोहित रुम्बा विगत करिव १० बर्ष भन्दा बढि समय देखि फिल्म क्षेत्रमा सक्रिय छन् । उनको जीवनको ठुलो सपना पनि थियो । उनी अभिनयको माध्यमबाट यो क्षेत्रमा स्थापित हुन चाहन्थे । अभिनय मात्र गरेनन् निर्माताका रुपमा केही फिल्महरुमा समेत लगानी गरे । तर दुर्भाग्य नै भन्नु पर्छ उनका कुनै फिल्मले व्यवसायिक रुपमा सफल र सन्तुष्ट दिन सकेनन् । फिल्म क्षेत्रमा भबिष्य देखेर अगाडी बढेका धेरै निर्माताहरु मध्यका एक हुन् रोहित रुम्बा । घरखेत बेचेर , घर जग्गा बैंकमा बन्धकी राखेर फिल्म निर्माण गर्ने निर्माताको ताँती लामो छ फिल्म क्षेत्रमा ।

कतिले फिल्म निर्माण गरेर राम्रो आम्दानी गरेका छन् भने कति नमज्जाले डुबेका छन् । त्यस्तै आफ्नो सपना पुरा गर्न घर जग्गा विक्री गरेर, बन्धकी राखेर फिल्म बनाउने निर्माताको बीचमा रोहित रुम्बा थपिएका हुन् । आफ्नो सम्पत्ति बेचेर बनाएको कारण राम्रो फिल्म बनाएको रोहितले दावी गरेका छन् । यदि फिल्म असफल भए उनी ५ वर्ष फिल्म क्षेत्रबाट टाढिने पनि बताएका छन् । फिल्ममा दयाहाङ राई, बुद्धि तामाङ, रोहित रुम्बा र छुल्ठिम गुरुङ लगायतको अभिनय फिल्ममा रहेको छ । फिल्मको गीत संगीत राम्रो छ । यस कारण पनि फिल्म चल्न सक्ने अनुमान छ ।