यस बर्षको ‘राष्ट्रिय स्रष्टा सम्मान’ कालीप्रसादलाई
फिल्मी फण्डा । गीतकार सघं नेपालले स्रष्टा सर्जकको उत्साह क्रियाशिलता र सम्मानको लागि हरेक बर्ष राष्ट्रिय स्रष्टा सम्मान को कार्यक्रम आयोजना गर्दै आईरहेको छ । हरेक वर्ष जस्तै यस बर्ष पनि छैटौँ ‘राष्ट्रिय स्रष्टा सम्मान ’,‘बर्ष गीत पुरस्कार ’,‘बर्ष गीत पुस्तक पुरस्कार’, ‘डायस्पोरा गीतकार सम्मान’ कार्यक्रम आयोजना हुने भएको छ । सघंले यस बर्ष अमर भावना गीतकार ‘राष्ट्रिय स्रष्टा सम्मान २०७४’ मा बरिष्ठ गीतकार श्री कालीप्रसाद रिजाललाईृ रु.१,००,००१।– नगद सहित ताम्रपत्र र दोसल्ला ओढाएर सम्मान गर्ने भएको छ । संस्थामा आबद्ध सदस्यहस्ले वि.सं.२०७४ मा सार्वजनिक गरेका र संस्थामा विधिवत दर्ता हुन आएका गीतहरु मध्येबाट छनौट समितिको सिफारिसमा बर्ष गीत प्रायोजनका लागि हाललाई उत्कृष्ट १० गीतहरु छनौट गरेका छन् ।
बर्ष गीत पुरस्कार २०७४ को प्रयोजनका लागि छनौट भएका १० गीतहरु :
१) अम्बिका गुरुङ –आँखा लाउछन्
२) किरण के.सी.क्रोधी–कुनै दिन यी दृष्टि
३) गणेश श्रेष्ठ ‘अपेक्षा’ –आफू उभिएको
४) नूतन भूषाल – सुटुक्कै मनमा
५) प्रकाश के.सी. – रगत पनि
६) पवित्रा राई – अभिनय गर्दै
७) बसन्तराज राज अज्ञात–सपनीमा घरीघरी
८) डा.राजुबाबु श्रेष्ठ–सम्पति दिए
९) राजु थापा –भीरै माथि
१०) सुमन बैरागी–प्रवासको पीडा
छानीएका यी उत्कृष्ट १० गीतहरु मध्येबाट विशेषज्ञ समितिले चयन गरि एक सर्वोत्कृष्ट गीतलाई छैठौँ स्रष्टा सम्मान तथा पुरस्कार वितरण कार्यक्रममा नै घोषणा गरी रु ५१ हजार नगद पुरस्कार तथा प्रमाणपत्र प्रदान गरिने भएको छ । भने छनौट समितिको सिफारिसमा विदेशमा बसी नेपाली गीत लेखनमा सक्रिय रहेका गीतकारहरु मध्येबाट अमेरिका बस्ने गीतकार राखी गौचनलाई ‘डायस्पोरा गीतकार सम्मान –२०७४’ बाट रु ११,०००।– नगद सहित प्रमाणपत्र प्रदान गरिने छ ।
यस्तैगरी बर्ष गीत पुस्तक पुरस्कार’प्रयोजनका लागी छनोट समितिले यस वर्ष निम्न लिखित पुस्तकहरु छनौट गरेका छन् :
१)जानुका राई –आमा
२)पूर्ण बहादुर साउद ‘शिरीष’ – गजलको धुन
३)सुमन श्रापित–भावनाको खेती
सो मध्ये विज्ञ समितिले एक पुस्तकलाई रु ५१,०००।– नगद राशी सहित प्रमाणपत्र प्रदान गरिनेछ ।
यसमा तपाइँको प्रतिक्रिया दिनुहोस