फ्राईडे रिलिज : पर्दामा तीन फिल्म

फिल्मी फण्डा । आज शुक्रवारदेखि तीन नेपाली फिल्म प्रदर्शनमा आएका छन् । जनक पाण्डे निर्देशित फिल्म बेबि आई लभ यू, प्रवेश पौडेलको अमेरिका बोइज तथा सफल केसी र प्रतिक प्रतीक गुरुङ निर्देशित हरी एकसाथ रिलिजमा आएका हुन् । सन्तोष खड्गी, पूजा तिवारी, सरोज खनाल, निर्मल शर्मा, राजु कमेडी, रेशम बुढाथोकी, अप्सन पन्थीलगायतको अभिनय रहेको बेबि आई लभ यू टिनेज केटाकेटीको कथामा निर्माण भएको फिल्म हो ।

यस्तै फिल्म अमेरिका बोइज मा अर्पण थापा, कामेश्वर चौसारिया, सन्दिप क्षेत्री, सुनिल थापा, हरिहर शर्मा, अभय बराल, आशिष प्रसाई, श्रृष्टी कार्की, सारदा गिरी, रश्मि भट्ट, रमा थपलिया लगायतको अभिनय रहेको छ । फिल्म कमेडी जनरामा निर्माण भएको छ । यस्तै धार्मिक फिल्मको रुपमा रहेको सस्पेन्स कमेडी फिल्म हरी मा बिपिन कार्की, थिन्ले ल्हामो, सुनिता श्रेष्ठ ठाकुर, कमलमणि नेपाल, लक्ष्मी बर्देवा, लोकनाथ आचार्यल गायतका कलाकारको अभिनय रहेको छ । हरीले बुधवार प्रिमियर गरि चलचित्रकर्मी र पत्रकारलाई फिल्म देखाईएको थियो । फरक स्वादको फिल्म हेर्न रुचाउने दर्शकहरुले हरी मन पराउने निर्माण पक्षले दावी गरेको छ ।