जय श्री दामको अफिसियल पोस्टर र रिलिज डेट सार्वजनिक
फिल्मी फण्डा । फिल्म जय श्री दामको अफिसियल पोस्टर र रिलिज डेट सार्वजनिक भएको छ । फिल्मको सार्वजनिक पोस्टरमा लिड अभिनेत्री जेबिका कार्की, अमृत ढुङ्गाना, विनोद न्यौपाने र राजन खवितडा फिचर्ड छन् । मङ्की टेम्पल प्रोडक्सन, क्रेजी ह्याण्डस् प्रोडक्सन र नेशनल मिडिया प्रोडक्सनको संयुक्त ब्यानरमा निर्माण भएको फिल्ममा अमृत ढुङ्गाना, राजन खतिवडा, जेबिका कार्की, विनोद न्यौपाने, प्रमोद अग्रहरी र विष्णु सापकोटा लगायतका कलाकारहरुको मुख्य अभिनय रहेको छ ।
फिल्ममा बिप्लोप उप्रेतीको निर्देशन रहेको छ भने फिल्मको कार्यकारी निर्माता पृथ्वी उप्रेती र मनोज उप्रेती हुन्। फिल्मका सह निर्माता मित्र डि गुरुङ र रविन आचार्य छन् । अमरद्विप सापकोटाको पटकथा रहेको फिल्ममा मित्र डि गुरुङको सम्पादन, रविन आचार्यको डिओपी, नवराज उप्रेतीको छायांकन, र सुशआन्त गौतमको संगीत रहेको छ । फिल्म आगामी पौष २० गतेबाट देशभर प्रदर्दशनमा आँउदैछ ।
यसमा तपाइँको प्रतिक्रिया दिनुहोस