‘रोजी’ मा प्रदिप खड्काको चार लुक्स

फिल्मी फण्डा । क्राइम थ्रीलर ड्रामा फिल्म रोजीको केही स्टिल फोटोहरु सार्वजनिक भएको छ । प्रदीप खड्कालाई फोटोहरुमा फोर एक्टमा देख्न सकिन्छ । उनले एउटै फिल्मभित्र चारवटा चरित्र चित्रण गरेका छन् । उक्त चार फोटोहरुमा पहिलोमा उनी सामान्य, दोस्रोमा विद्यार्थी, तेस्रोमा नोस्टाल्जिक र चौंथोमा अपराधी जस्तो देख्न सकिन्छ ।

निरक पौडेलको निर्देशन रहेको फिल्ममा प्रदिप खड्का, मिरुना मगर, कर्मा शाक्य, बरुण आरएल राणा, रविन्द्र खड्का, प्रकाश श्रेष्ठ, पल्पसा डंगोललगायतका कलाकारहरुको अभिनय छ । उद्धव पौडेल प्रस्तुतकर्ता रहेको फिल्ममा राजु विक्रम थापाको छायांकन र मित्र डि गुरुङको सम्पादन रहेको छ । गोपीकृष्ण मुभिज र आरोही इन्टरटेन्मेन्टको ब्यानरमा निर्मित यस फिल्मका निर्माता आयरा पौडेल र आरोही केसी हुन् । फिल्मको कथा केदार भुषालले तयार पारेका हुन् । फिल्म भदौ २२ बाट अल नेपाल रिलिज हुँदैछ ।