साम्राज्ञी र शाहरुखको जोडी भावीले जुराएपछि ( गीत )

फिल्मी फण्डा । फिल्म इन्टुमिन्टु लन्डनमाको तेश्रो गीत सार्वजनिक भएको छ । फिल्म युनिटले राजधानीमा एक कार्यक्रमको आयोजना गर्दै उक्त गीत सार्वजनिक गरेका हुन् । इन्गेज्मेन्ट समयको गीतमाा साम्राज्ञी र शारुखसँगै फिल्मका अन्य कलाकारहरु फिर्चड छन् । गीतमा बसन्त साप्कोटाको शब्द, राजेश पायल राई र मेलिना राईको स्वर र विक्रम लामा र एन्जिला खत्रीको कोरियोग्राफी रहेको छ । लभस्टोरी  जनराको उक्त फिल्मलाई रेनसा बान्तवा राईले पहिलो पटक निर्देशन गरेकी हुन् ।

फिल्ममा शैलेन्द्र ध्वज कार्कीको छाँयाङ्कन र कृष्ण भण्डारीको सम्पादन रहेको छ । फिल्मका निर्माता प्रज्वल शमशेर जंगशहादुर राणा हुन् । सुस्मिता जिरेल, सुलेखा राई र बसन्त तामाङ्ग फिल्मका सह निर्माता हुन् । आई कोरको ब्यानरमा निर्माण भएको फिल्ममा साम्रज्ञी राज्य लक्ष्मी शाह, धिरज मगर, शारुक ताम्राकार, दिलभुषण पाठक, विजय लामा, रुवी राणा लगायतका कलाकारहरुको अभिनय रहेको छ । फिल्म असोज ५ गतेबाट देशव्यापी प्रर्दशनमा आँउदैछ ।