रामकहानी र रोज देशैभर हाउसफुल, व्यापारमा औसत रामकहानी माथी (बक्स अफिस सहित)

कबिता बलामी/फिल्मी फण्डा । फिल्म प्रेम गीत नेपाली दशर्कहरुको मन मस्तिष्कमा बसेको फिल्म हो । उक्त फिल्ममा पुजा शर्मा र प्रदिप खड्का को अभिनय रहेको थियो । पछि यी दुई कलाकारको संगै कुनै पनि फिल्म आएको छैन तर यी दुई अभिनित दुई फिल्म एकै पटक रिलिज भईरहेको छ । यी दुबैलाई एक अर्कोप्रति चुनौती छ । कसको फिल्मले व्यापार बढि गर्ने हो भन्ने विषय रहेको छ । हिजो शुक्रवार बाट प्रदर्शनमा आएको रामकहानी र रोज मा रामकहानीलाई राम्रो प्रतिक्रिया मिलेको छ भने रोजलाई प्रदिपको कारण रोज रहेको भन्ने प्रतिक्रिया मिलेको छ ।

फिल्म रामकाहानीले शुक्रवार देशभरका हलमा औसत ६० प्रतितशतको अकुपेन्सि कायम गरेको वितरक सुनिल मानन्धरले बताएका छन् । यस्तै फिल्म रोजले देशभर ४० प्रतिशत बढि अकुपेन्सि कायम गरेको छ । तुलनात्मक रुपमा रोजमा भन्दा बढि कलाकारहरु रामकहानीमा रहेको छ । फिल्म रोजलाई प्रदिप एक्लैले बोकेको हो । विषयगत रुपमा कमजोर भनिएको रोज प्रदिपकै कारण शनिवार देशभरिका हलहरुमा हाउसफुल भएका छन् भने । बढि शोज र ठूला हल पाएको रामकहानी पनि देशैभर हासउफुल छन् । यतिखेर पुजा र प्रदिप बीचको चूनौतीलाई दर्शकले राम्रै साथ दिईरहेका छन् । हल्ला र दर्शकको प्रतिक्रिया भने रामकहानीलाई राम्रो छ । यता रोज हेरेको दर्शकले फिल्म कमजोर भएको बताएका छन् । जे होस् प्रदिप कै कारण रोजको व्यापारमा ईनिसियल देखिएको छ । मल्टिप्लेकसमा रामकहानीलाई बढि शो दिईएको छ । यस्तै देशभरका सिंगल थिएटरमा बढि र ठूला हल पनि रामकहानी कै पक्षमा रहेको छ । यस कारण रामकहानीको व्यापार रोज भन्दा औसत माथी छ ।

शुक्रवार देशरभ १८ लाख नेट कलेकशन गरेको रामकहानीले शनिवार ४० लाख भन्दा बढि नेट कलेक्शन गर्ने आशा राखिएको सुनिल मानन्धरले बताएका छन् । यस्तै रोजले शुक्रवार झण्डै १२ लाख नेट कलेशन गरेको छ भने शनिवार २५ लाख भन्दा बढि नेट कलेशन गर्न सकिने दावी रहेको छ । फिल्मको कुल कारोवारको आधाबाट वितरकको कमिशन कटाएर बाँकी भएको नेट रकम निर्माताको हातमा पर्ने रकम हो । रामकहानीलाई सुदर्शन थापाले निर्माण तथा निर्देशन गरेका हुन् । फिल्ममा पुजा शर्मा, आकाश श्रेष्ठ, केदार घिमिरे, जितु नेपाल, विलसन विक्रम राई, रविन्द्र झा लगायतको मूख्य भुमिका रहेको छ । यस्तै रोजलाई निरक पौडेलले निर्देशन गरेको हुन् । फिल्ममा प्रदिप खड्का, परमिता राणा, मिरुना मगर लगायतको भुमिका रहेको छ । पछिल्लो समय गोपिकृष्ण मुभिजको कुसुमे रुमाल, ठमेल डट, होमवर्क लगायतका सबै फिल्म फ्लप भएका छन् ।