‘संस्कारी बाबु’ ले गरे महिला निर्देशकलाई बलत्कार !

फिल्मी फण्डा । भारतीय फिल्म तथा सिरियलमा ‘संस्कारी बाबु’ नामले परिचित अभिनेता आलोकनाथले एक निर्मात्री तथा निर्देशकलाई बलत्कार गरेको खबर यतिखेर बलिउडको मिडियामा चर्चामा छ । आलोकनाथ यतिखेर निकै विवादमा फसेका छन् । उनले नशालु औषधी खुवाएर भारतीय सिरियलका एक महिला निर्देशक विनिता नन्दालाई बलत्कार गरेको आरोप लगेको छ ।

निर्देशक विनिताले सो आरोप आलोकनाथलाई लगाएकी हुन् । भारतमा ‘मि टु’ अभियानले उग्ररुप लिएसँगै यो प्रकरण बाहिर आएको हो । विनिता नन्दाले आफूमाथि १९ वर्षअगाडि बलात्कार भएको भन्दै फेसबुकमा स्टाटस लेखेपछि बलिउडमा चर्चा शुरु भएको थियो । विनताले आलोकनाथको नाम उल्लेख नगरी लेखेकी छिन्, ‘संस्कारी र कुशल अभिनेता भनिएका ती व्यक्ति वास्तविकतामा एकदमै खराब नियतका, जड्याहा र यौनपिपाशु । उनले ममाथि गरेको दुष्कर्म कहिल्यै भूल्न सक्दिना ।’ विनताले निर्देशन गरेको टिभी सिरियल ‘तारा’ मा आलोकनाथले प्रमुख भूमिका निर्वाह गरेका थिए । सोही सिरियल निर्माण क्रममा यो घटना भएको विनिताले बताएकी छिन् ।