सुनकाण्ड र मिटरव्याजको कथा ‘चङ्गा चेट’मा
मधव वाग्लेको नयाँ फिल्म ‘लुट चङ्गा लुट’

फिल्मी फण्डा । आगामी कार्तिक १६ गतेबाट प्रदर्शन हुने फिल्म ‘चङ्गा चेट’को ट्रेलर सार्वजनिक गरिएको छ । ट्रेलरमा समाजिक कथालाई हाँस्यरसमा प्रस्तुत गरिएको छ । पछिल्लो समय नेपालमा सुनकाण्ड र मिटरव्याजको समस्या बढ्दो क्रममा छ । यिनै समस्यालाई फिल्म ‘चङ्गा चेट’ले प्रस्तुत गरिएको निर्माता माधव वाग्लेले बताएका छन् । फिल्म क्षेत्रभित्रै मिटरव्याज अहिले पनि चर्चामा छ ।

फिल्ममा लगानी गरिरहेका निर्माताहरुलाई केही फिल्मकर्मीले मिटरव्याजमा लगानी गर्दै आईरहेका छन् । यता हालै सुनकाण्डमा राजधानीमै चर्चामा रहेको बाजेको सेकुवा पनि केही समय बन्द भएको थियो । यस्तै समस्याहरुलाई फिल्म ‘चङ्गा चेट’ले सम्बोधन गर्नेछ, निर्देशक दिपेन्द्र के खनाले भने ।

‘चङ्गा चेट’मा घर–घरको समस्या समावेश गरिएको छ । जसलाई कमेडी जनरामा प्रस्तुत गरिएको हो । ट्रेलर रिलिज कार्यक्रममै माधव वाग्लेले आफ्नो नयाँ फिल्मको नाम समेत उद्घोष गरेका छन् । माधव वाग्लेले आफुले फिल्म लुटबाट राम्रो चर्चा पाएको कारण ‘चङ्गा चेट’ सम्म आईपुग्दा सिक्वेलको रुपमा ‘लुट चङ्गा लुट’ निर्माण गर्ने बताएका हुन् । ‘चङ्गा चेट’मा आयुष्मान देशराज र प्रियंका कार्की, सन्दिप क्षेत्री र परमिता राणा तथा रविन्द्र झा र सुरक्षा पन्तको जोडीलाई प्रस्तुत गरिएको छ । यसको अलवा ‘चङ्गा चेट’मा अन्य धेरै कलाकारहरुको अभिनय रहेको छ ।