साम्राज्ञी र पुष्पको फिल्म ‘तिम्रो मेरो साथ’को छायाँकन सुरु
फिल्मी फण्डा । अभिनेत्री साम्राज्ञी राज्यलक्ष्मी शाहको मुख्य भूमिका रहने फिल्म ‘तिम्रो मेरो साथ’को छायाँकन सुरु भएको छ ।
फिल्मको छायाँकन सोम्बारबाट काठमाडौँको डिल्लीबजारदेखि शुरू भएको हो ।
प्रेमकथामा बन्न लागेको फिल्म रमेश एम के पौडेलले निर्देशक गर्दैछन् । पौडेलकै कथा, गीत र निर्माणमा रहेको फिल्मको नाम यस अगाडि ‘रेड वाइन’ राखिएको थियो ।
अहिले नाम परिवर्तन भएर ‘तिम्रो मेरो साथ’ भएको हो । फिल्ममा साम्राज्ञीको अलवा पुष्प खड्का, सरोज खनाल ,सन्दिप क्षेत्री, खबपु, इमिली लामालगायतका कलाकारहरुको अभिनय रहनेछ ।
फिल्मको विशेष भूमिकामा अभिनेता ध्रुवदत्त प्रस्तुत हुनेछन् ।
आर्यन फिल्मस् तथा बोधी एचडी अमेरिकाको ब्यानरमा बन्न लागेको यो फिल्मका निर्माता पासाङ लामा र सह निर्मातामा निरु भण्डारी, सुमन पौडेल र सुधिर पराजुली रहेका छन् । सविर श्रेष्ठको पटकथा र सम्वाद रहेको फिल्म नेपाल र अमेरिकामा छायाँकन हुने निर्माण युनिटले बताएको छ । योगेश काजीले फिल्मका लागि संगीत दिएका छन् ।
यसमा तपाइँको प्रतिक्रिया दिनुहोस